ފޮޓޯ: ޕީއެސްއެމް
'ބިންވެރިޔާ' ސްކީމުގެ ގޯތި ލިސްޓުގައި ނެތް ނަމަވެސް ގޯތި ލިބުނު ކަމުގެ ރަޖިސްޓްރީއެއް ފޯޖުކޮށްގެން ގޯއްޗަކާއި ހަވާލުވިކަމުގެ ތުހުމަތުކުރެވޭ އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދުގެ ބޭބެ، އެމްޑަބްލިއުއެސްއީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދުއާ ދުވަހަކުވެސް ބައްދަލުކޮށްފައި ނުވާނެ ކަމަށް ކުރީގެ ސްޓޭޓް މިނިސްޓަރ އަކްރަމް ކަމާލުއްދީން ވިދާޅުވެއްޖެ އެވެ.
އަކްރަމް މިފަދައިން ވިދާޅުވީ މި މައްސަލައާއި ގުޅިގެން ކުރިޔަށްގެންދާ ތަހުގީގުގެ މައުލޫމާތު ދިނުމަށް ފުލުހުން ބޭއްވި ނޫސްވެރިންގެ ބައްދަލުވުމުގައި ފަޒީލްއަށް ގޯތި ލިބުނު ކަމުގެ ލިޔުން ދިނީ އަކްރަމް ކަމާލުއްދީން ކަމަށް ފަޒީލް ފުލުހުންނަށް ދިން ބަޔާނުގައި ބުނެފައިވާކަމަށް ފުލުހުން ރޭ ހާމަކުރުމާއި ގުޅިގެންނެވެ.
މިކަމާއި ގުޅިގެން މިއަދު އެކްސްގައި ކުރި ޕޯސްޓެއްގައި އަކްރަމް ފުލުހުންގެ ނޫސްވެރިންގެ ބައްދަލުވުން ސިފަކުރެއްވީ އެޗްޑީސީގެ މެނެޖިންގ ޑިރެކްޓަރު އިސްވެ ހުރެ، އުސޫލުން ބޭރުން ހުޅުމާލެއިން ގޯތިތަކެއް ދޫކުރި މައްސަލަ ފެންމަތިވުމުން، އާންމުންގެ ސަމާލުކަން އަނބުރައިލުމަށް ސަރުކާރުން ކުރަމުންގެންދާ ކަމެއްގެ ގޮތުގައި އެވެ.
އަދި އޭނާގެ މައްޗަށް ފަޒީލް ކޮށްފައިވާ ތުހުމަތުތަކާއި ގުޅިގެން އަކްރަމް ވިދާޅުވީ އެގްރީމަންޓެއް ކަމަށް ދެއްކުމަށް ޓަކައި ތައްޔާރުކޮށްފައިވާ ޑޮކިއުމަންޓަކާ މެދު ސުވާލު އުފެދުމުން ވެސް، އެ ޑޮކިއުމަންޓްގެ ސައްހަކަން ކަށަވަރުކުރުމަށް ފޮރެންސިކް ތަހުލީލެއް ވެސް ނުހަދައި، ކުރީ ސަރުކާރުން ދޫކުރި ލިޔުމެއްގެ ގޮތުގައި އެވާހަކަ ދެއްކީ ރައްޔިތުންނަށް ހަގީގަތް އޮޅުވާލުމަށް ކަމަށް ދެކޭކަމަށެވެ. އަދި ފުލުހުން އެ ބުނާ ފަޒީލްއާ ދުވަހަކުވެސް ބައްދަލުވެފައި ނުވާނެ ކަމަށާއި އަދި، އެއްވެސް މުއާމަލާތެއް ވެސް އޭނާއާ ކޮށްފައި ނުވުމުގެ އިތުރން އެއްވެސް ކަމެއްގައި ބައްދަލު ކުރަން އޭނާ އެދިފަވެސް ނުވާކަމަށް އަކްރަމް ވިދާޅުވިއެވެ.މީގެ އިތުރުން ބިންވެރިޔާ އަދި ގެދޮރުވެރިޔާ ސްކީމްގެ ދަށުން އެއްވެސް ލިޔުމެއް އުސޫލުން ބޭރުން ނުވަތަ ގަވާއިދާ ހިލާފަށް ނުވަތަ ނުރަސްމީކޮށް އެއްވެސް ފަރާތަކަށް ކުރީގެ ހައުސިންގ މިނިސްޓްރީން ދޫކޮށްފައި ނުވާނެކަމުގެ ޔަގީންކަން އަކްތަމް ވަނި އަރުވާފައި އެވެ. ހަމައެއާއިއެކު ސަރުކާރުގައި އޭނާ އަދާކުރި މަގާމުގެ ހައިސިއްޔަތުން ކޮށްފައިވާ މަސައްކަތްތަކާ ގުޅޭގޮތުން ޖަވާބުދާރީ ނުވެވޭނެ އެއްވެސް ކަމެއް ނޯންނާނެ ކަން ފާހަގަކުރައްވައި އަކްރަމް ވިދާޅުވީ ނޫސްވެރިންގެ އެއްވެސް ސުވާލެއް އޮތްނަމަ ސުވާލުކުރުމަށް ފުރުސަތުދިނުމަށް ހޮނިހިރު ދުވަހު ނޫސްވެރިންނާ ބައްދަލުކުރުމަށް ގަސްތުކުރާކަމަށެވެ.
ބިންވެރިޔާ ސްކީމްގެ ދަށުން ގޯތި ނުލިބޭ ބަޔަކަށް އެޗްޑީސީން ގޯތި ދިން މައްސަލައެއް ފެންމަތިވުމާއި ގުޅިގެން ފުލުހުން މިހާރު ވަނީ ޖިނާއީ ތަހުގީގެއް ފަށާފައި އެވެ. މައްސަލަ ފެންމަތިވުމާއި ގުޅިގެން ފުލުހުން މީޑިއާތަކަށް ފޮނުވި މެސެޖެއްގައި ވިދާޅުވީ ބިންވެރިޔާ ސްކީމުގެ ދަށުން ގޯތި ނުލިބޭ ބަޔަކަށް އެޗްޑީސީ އިން ގޯތިތަކެއް ދީފައިވާ ކަމަށް ވެލެވޭ މައްސަލައެއް ފެންމަތިވުމާއި ގުޅިގެން އެމައްސަލައިގެ ޖިނާއީ ތަހުގީގެއް ފުލުހުން ފަށާފައިވާ ކަމަށެވެ.
މި މައްސަލައާއި ގުޅިގެން އެޗްޑީސީން ބޭއްވި ކުއްްލި ނޫސްވެރިންގެ ބައްދަލުވުމުގައި އެކުންފުނީގެ މެނޭޖިންގ ޑިރެކްޓަރު ފަޒުލް ރަޝީދު ވިދާޅުވީ ބިންވެރިޔާ ސްކީމުގެ ދަށުން ގޯތި ނުލިބޭ ބަޔަކަށް ގޯތި ދިނުމުގެ ބާރު އެޗްޑީސީގައި ނޯންނާނެ ކަމަށާއި ދައުރުވަމުންދާ ލިޔެކިޔުންތަކަކީ އެޗްޑީސީގެ ޕޯޓަލްއަށް އެދުނު ރިކުއެސްޓްތަކެއްގެ ވެރިފިކޭޝަނަށް ޕޯޓަލްއަށް ހުށަހަޅާފައިވާ ލިޔެކިޔުންތަކަކީ ސައްހަ ލިޔެކިޔުންތަކެއްތޯ ބެލުމަށް އެކުންފުނިން ހައުސިންގ މިނިސްޓްރީއާއި ދެމެދު ކުރެވުނު މުއާމަލާތްތަކުގެ ލިޔެކިޔުންތަކެއް ކަމަށެވެ.
ފަހުގެ
