ޕާކިސްތާނަށް ކުރި ވިއްސާރާގައި ފެންބޮޑުވުމުގެ ސަބަބުން ލިބުނު ގެއްލުންތަކުގައި އެގައުމުގެ ދަނޑުވެރިންނަށް ބޮޑެތި ގެއްލުންތަކެއް ލިބިއްޖެ އެވެ.

ރެކޯޑް އަދަދަކަށް ބޯކޮށް ވާރޭވެހި ފެންބޮޑުވުމުގެ ސަބަބުން ޕާކިސްތާނުގެ 33 މިލިއަނަށްވުރެ ގިނަ މީހުން ހާލުގައި ޖެހިފައިވާއިރު، އެންމެ ބޮޑަށް ގެއްލުން ލިބުނު އެއް ސަރަހައްދަކީ ޕާކިސްތާނުގެ ދެކުނުގެ ސިންދު ސަރަހައްދެވެ. އެ ޕްރޮވިންސަކީ ބިޔަބޮޑު އިންޑަސް ކޯރުގެ އައްސޭރިފަށުގައިވާ ޕްރޮވިންސެކެވެ. އެ ޕްރޮވިންސްގައި ދަނޑުވެރިކަން ކުރާތާ ގަރުނުތަކެއް ވެފައިވާއިރު، 4000 ބީސީގެ ދުވަސްތަކުން ފެށިގެން އެ ސަރަހައްދުގައި އިރިގޭޝަން ސިސްޓަމްތައް ހުރި ކަމަށް ރެކޯޑުކުރެވިފައިވެސް އެބަހުއްޓެވެ.

ޕާކިސްތާނުގެ އާބާދީގެ ބޮޑުބަޔަކަށް ފެންބޮޑުވުންތަކުގެ ގެއްލުން ވެފައިވާއިރު ލިބުނު ގެއްލުންތައް ޕާކިސްތާނުގެ ދަނޑުވެރިން އަދިވެސް ދަނީ މިން ކުރަމުންނެވެ. އަދި އެ ގެއްލުންތަކުގެ ސަބަބުން ލިބިފައިވާ ގެއްލުންތައް ދިގު މުއްދަތަކަށް ދެމިގެންދާނެ ކަމަށް ރިޕޯޓުތައް ބުނެއެވެ.

އެގައުމުގެ ދަނޑުވެރިން ބުނެފައިވާ ގޮތުގައި ފެންބޮޑުވުމުގެ ސަބަބުން ލިބުނު ގެއްލުންތަކުގެ ސަބަބުން ދަނޑުވެރިކަން ވަނީ 50 އަހަރު ފަހަތަށް ޖެހިފައެވެ. ދަނޑުވެރިކަން އާރާސްތުކުރުމަށް ބޮޑު ޚަރަދެއް ކުރަން ޖެހިފައިވާ ކަމަށްވެސް ރިޕޯޓުތައް ބުނެ އެވެ.

ބޯކޮށް ވާރޭ ވެހުމުގެ ސަބަބުން އެގައުމުގެ ދަނޑުބިންތަކަށް ގެއްލުން ލިބިފައިވާއިރު، އެ ދަނޑުބިންތަކުގައި ހައްދާފައި ހުރި ގޮވާމާއި އެހެނިގެން ބާވަތުގެ ތަކެތި ހުރީ ކަނޑައި، ބަންދުކުރުމާ ގާތްވެފައެވެ. އެއާއެކު ދަނޑުވެރިން ތިބީ ގޮތް ހުސްވެ މާޔޫސްވެފައި ކަމަށް ޚަބަރުތައް ބުނެއެވެ.