މާލޭ ކަރަންޓު ދިޔަ ސަރަހައްދުގައި ވަގުތީ ކޭބަލެއް އަޅަައިގެން ކަރަންޓު ދިނުމުންގެ މަސައްކަތް ކުރަމުންދާ ކަމަށް ސްޓޭޓް އެލެކްޓްރިކް ކޮމްޕެނީ (ސްޓެލްކޯ) އިން ބުނެފި އެވެ.

ސްޓެލްކޯއިން ބުނީ އެ ކުންފުނީގެ ކަރަންޓުގެ ވިއުގައިގައި ހިމެނޭ ކޭބަލްތަކަށް ގެއްލުންވެފައިވާ ކަމަށެވެ.

އެހެންކަމުން ކޭބަލްތަކަށް ގެއްލުންވެގެން ކަރަންޓު ކެނޑުނީ ޒަމާނީ ގޯޅިއާއި، ސައްޔިދުކިލޭގެފާނު މަގުގެ އިތުރުން ޝަހީދުކުޑަނެވިތުއްތު ހިނގުން ހިމެނޭ ސަރަހަައްދުންކަމަށް ސްޓެލްކޯއިން ބުންޏެވެ. އަދި މި ސަރަހައްދުތަކުގައި ދިރިއުޅޭ ފަރާތްތަކަށް ދިމާވެދާނެ ދަތިތަކަށް ސްޓެލްކޯއިން ވަނީ މަޢާފަށް އެދިފަ އެވެ.