fedcvphviaa0jr3-876x584
އިންޑިއާ ސަރުކާރުން މޯލްޑިވްސް ކަރެކްޝަނަލް ސާވިސް އަށް ލޯންޗެއް ހަދިޔާކޮށްފިއެވެ.
ތިރީސް މީހުންގެ ޖާގައިގެ މި ލޯންޗު ހަދިޔާ ކުރީ އިންޑިއާގެ ފޮރިން ސެކްރެޓަރީ، ވިނޭ މޯހަން ވަތުރާ ރާއްޖެ މިހާރު ކުރައްވަމުން ގެންދަވާ ރަސްމީ ދަތުރުފުޅުގައި އެވެ. ކަރެކްޝަންސްގެ ފަރާތުން އެ ލޯންޗާ ހަވާލުވެވަޑައިގެންނެވީ ޕްރިޒަން ކޮމިޝަނަރު އަހްމަދު މުހައްމަދުފުޅެވެ. އިންޑިއާގެ ފަރާތުން މި ލޯންޗު ހަވާލުކޮށް ދެއްވީ އިންޑިއާ އިން ރާއްޖެ އަށް ކަނޑައަޅާފައި ހުންނަވާ ސަފީރު މުނޫ މަހާވަރުއެވެ.
މި ލޯންޗަކީ އިންޑިއާގެ ކުރީގެ އެކްސްޓާނަލް އެފެއާޒް މިނިސްޓަރު ސުޝްމާ ސުވަރާޖު 2019 ވަނަ އަހަރު ރާއްޖެ އަށް ކުރެއްވި ދަތުރުގައި ރާއްޖޭގެ އިޖުތިމާއީ އަދި އިގުތިސާދީ ދާއިރާ އަށް އެހީވުމުގެ ގޮތުން ދިން 106 މިލިއަން ރުފިޔާގެ ފައިސާގެ އެހީގެ ދަށުން ދިން ލޯންޗެކެވެ.
އެ އެހީގެ ދަށުން އިންޑިއާ އިން ވަނީ މީގެ ކުރިން ހަތަރު ވޭނެއް ހަދިޔާކޮށްފައެވެ. މާދަމާގެ ނިޔަލަށް އިންޑިއާގެ ފޮރިން ސެކްރެޓަރީ ރާއްޖެއަށް ކުރައްވާ ދަތުރަކީ ރާއްޖޭގެ ފޮރިން ސެކްރެޓަރީ އަހުމަދު ލަތީފްގެ ދައުވަތަކަށް ކުރައްވާ ދަތުރެކެވެ.
ފަހުގެ
