ރާނީގެ ހަނދާނުގައި މަޖިލީހުގައި ސުކޫތެއް

އިނގިރޭސި ރާނީގެ ހަނދާނުގައި މަޖްލީހުގައި މިއަދު ސުކޫތެއް ބާއްވާއިފި އެވެ.

މިއަދުގެ މަޖްލިސް ފައްޓަވައިދެއްވަމުން މަޖްލީހުގެ ރައީސް މުޙައްމަދު ނަޝީދު ވިދާޅުވީ، މިއަދުގެ އެޖެންޑާގައި ރިޔާސަތުން ހުށަހަޅާ ކަންކަމުގެ ތެރޭގައި އިނގިރޭސި ރާނީ އެލިޒަބަތު 2ވަނަ އަވަހާރަވުމާއި ގުޅިގެން މަޖްލީހުގައި ތަމްސީލުކުރާ ސިޔާސީ ޕާޓީތަކުގެ ލީޑަރުންނަށް ތައުޒިޔާ ވިދާޅުވުމަށް ފުރުސަތުދެއްވަން ހުށަހަޅާފައިވާ ކަމަށެވެ.

މި މަސައްކަތް ފެއްޓެވުުގެ ކުރިން ރައީސް ނަޝީދު ވަނީ ރާނީގެ ހަނދާނުގައި މަޖިލީހުގައި ސުކޫތެއް ބާއްވާފައެވެ.

މިއަދުގެ މަޖިލީހުގެ ރަސްމީމަސައްކަތް ފެށުމުގެ ކުރިން މަޖިލީހުގައި ތަމްސީލުކުރާ ސިޔާސީ ޕާޓީތަކުން ވަނީ ރާނީ އަވަހާރަވުމާއި ގުޅިގެން އެކަމަނާއަށް ތައުޒިޔާ ވިދާޅުވެފައެވެ.

އިނގިރޭސި ރާނީ 2 ވަނަ އަވަހާރަވެފައިވަނީ ސެޕްޓެމްބަރ 8 ވީ ބުރާސްފަތި ދުވަހުގެ ހަވީރުގެ ވަގުތެއްގައެވެ. ރާނީގެ ޖަނާޒާ ބޭއްވުމަށް ނިންމާފައިވަނީ މިމަހު 19 ގައި އެވެ. އެކަމަނާގެ ޖަނާޒާގައި ގައުމުތަކުގެ އިސްވެރިންނާއި ލީޑަރުންވެސް ބައިވެރިވެވަޑައިގަންނަވާނެ އެވެ. ރާނީ އަވަހާރަވުމާއެކު އިނގިރޭސި ތަހުތުގެ ވެރިޔަކަށް މިހާރު ކަނޑައަޅާފައިވަނީ ކިންގް ޗާލްސް 3 ވަނަ އެވެ.