ޗައިނާގެ 14 ވަނަ ނެޝަނަލް ޕީޕަލްސް ކޮންގްރެސްގެ އިސް އޮފިޝަލު ރާއްޖެ ވަޑައިގެންފި

ޗައިނާގެ 14 ވަނަ ނެޝަނަލް ޕީޕަލްސް ކޮންގްރެސްގެ އިސް އޮފިޝަލު ރާއްޖެ ވަޑައިގެންފި އެވެ.

ރައްޔިޔުންގެ މަޖިލީހުން މިއަދު ހާމަކުރި ގޮތުގައި މިއަދު ރާއްޖެ ވަޑައިގެންނެވީ ޗައިނާގެ 14 ވަނަ ނެޝަނަލް ޕީޕަލްސް ކޮންގްރެސްގެ ސްޓޭންޑިންގ ކޮމިޓީގެ ވައިސް ޗެއާމަން ހިޒް އެކްސެލެންސީ ވަންގް ޑޮންގްމިންގ އެވެ. މިއީ އެމަނިކުފާނު ރަސްމީ ދަތުރުފުޅެއްގައި ރާއްޖެ ވަޑައިގެންނެވި ފުރަތަމަ ފަހަރެވެ.

ވަންގް ޑޮންގްމިންގ ރާއްޖެ ވަޑައިގެންނެވުމުން އެމަނިކުފާނަށް މަރުހަބާ ދެންނެވީ ރައްޔިތުންގެ މަޖިލީހުގެ ބައެއް މެމްބަރުންނެވެ.

އެގޮތުން އެމަނިކުފާނުގެ މި ދަތުރުފުޅުގައި މަޖިލީހުގެ ރައީސް އާއި ރައީސުލްޖުމްހުރިއްޔާގެ އަރިހަށް އިހްތިރާމުގެ ޒިޔާރާތެއް ކުރެއްވުމަށް ވަނީ ނިންމަވާފައި އެވެ.