ވެލާނާ އެއާޕޯޓުން ފިލި މީހާ ހޯދަން އިއުލާންކޮށްފި

ވެލާނާ އިންޓަނޭޝަލް އެއާޕޯޓުގެ ޑިޓެންޝަން ސެންޓަރުގައި ބަންދުކޮށްފައި ހުއްޓާ ސީލިން ފަޅާލައިގެން ފިލި މީހާ ހޯދަން އިމިގްރޭޝަނުން އިއުލާނު ކޮށްފިއެވެ.

އިމިގްރޭޝަނުން ހާމަ ކުރި މައުލޫމާތަށް ބަލާއިރު، ޑިޓެންޝަން ސެންޓަރުގައި ހުއްޓާ ފިލާފައިވަނީ ބަންގްލަދޭޝްގެ ރައްޔިތެއް ކަމަށްވާ މުހައްމަދު މިތުން، 26 އަހަރެވެ. އޭނާ ފިލާފައިވަނީ ރޭ ފަތިހުގެ ވަގުތެއްގަ އެވެ.

އިމިގްރޭޝަނުން ވަނީ އޭނާ އާއި ބެހޭ އެއްވެސް މައުލުމާތެއް އެނގޭނަމަ އެއިދާރާއަށް ހިއްސާ ކުރުމަށް އެދިފައެވެ.

މިތުން މިދިޔަ ބުދަ ދުވަހު ރާއްޖެ އައުމުން ރާއްޖެއަށް އެތެރެވިޔަ ނުދީ ޑިޓެންޝަން ސެންޓަރުގައި ބަންދުކުރީ އޭނާ އަކީ މީގެ ކުރިން ރާއްޖޭގައި އުޅެނިކޮށް ޑީޕޯޓް ކޮށްލާފައިވާ މީހަކަށް ވާތީއެވެ.