ނިޑްސްއިން ކުރިޔަށް ގެންދިޔަ ކެޕޭސިޓީ ބިލްޑިންގ ޕްރޮގްރާމް ކާމިޔާބުކަމާއި އެކު ނިންމާލައިފި

ނަޑެއްލާ އައިލެންޑް ޑިވެލޮޕްމަންޓް ސޮސައިޓީ އިން ނަޑެއްލާގައި ކުރިއަށް ގެންދިޔަ ކެޕޭސިޓީ ބިލްޑިންގ ޕްރޮގްރާމް ކާމިޔާބުކަމާއި އެކު ނިންމާލައިފިއެވެ.

މި ޕްރޮގްރާމަކީ އޭސިއާ ފައުންޑޭޝަން މޯލްޑިވްސް ސީ.އެސް.އޯ ސްޓްރެންތެނިންގ ޕްރޮޖެކްޓްގެ ދަށުން ނިޑްސް ޖަމިއްޔާއިން އެރަށުގައި ކުރިޔަށް ގެންދިޔަ ކޯހެކެވެ.

ޖުމްލަ 2 ބަޔަކަށް ބަހާލައިގެން ކުރިއަށްގެންދިޔަ މި ޕްރޮގްރާމްގެ ފުރަތަމަ ބައި ކުރިއަށް ގެންގޮސްފައިވަނީ އޮގަސްޓް 9 އިން އޮގަސްޓް 11 އަށެވެ.

ފުރަތަމަ ސެޝަންތަކުގައި އައިޓީއާއި ގުޅުންހުރި ޓްރެއިނިންގ ޕްރޮގްރާމްތަކާއި މަޢުލޫމާތު ސެޝަންތަކެކެވެ. އެގޮތުން އައި.ސީ.ޓީ އާއި، ޑީޖިޓަލް ޕްލެޓްފޯމް، ސޯޝަލް މީޑިއާއަށް އަހުލުވެރިކުރުމުގެ އިތުރުން މައިކްރޯސޮފްޓް ޕަވަރޕޮއިންޓް ބޭނުންކޮށްގެން ޕޯސްޓަރ ޑިޒައިންކުރުމާއި، ވީޑިއޯ އެޑިޓް ކުރުމާއި، އޮންލައިންކޮށް ޑާޓާ ޝެއަރކުރުމާއި ޑާޓާ މެނޭޖުކުރުންފަދަ ކަންކަމަށްވަނީ އަހުލުވެރިކުރެވިފައެވެ.

މި ޕްރޮގްރާމްގެ ދެވަނަ ބައި ކުރިއަށް ގެންގޮސްފައިވަނީ އޮގަސްޓް 19 އިން 20 ވަނަ ދުވަހުގެ ނިޔަލަށެވެ. މި ބައިގެ ސެޝަންތަކުގައި ޓައިމް މެނޭޖްމަންޓް، ލީޑަރޝިޕް ސްކިލްސް، ޕްރޮޖެކްޓް މެނޭޖްމަންޓް، ވޮލަންޓިއަރ މެނޭޖްމަންޓް ފަދަ ސެޝަންތައް ވަނީ ކުރިއަށްގެންދެވިފައެވެ.

އެ ޖަމްޢިއްޔާގެ އެކުސްކޯ މެމްބަރުންގެ އިތުރުން ވޮލަންޓިއަރުންނާއި ޒުވާން ކުދިންގެ ކެޕޭސިޓީ އިތުރު ކުރުމުގެ މަޤްޞަދުގައި ކުރިއަށް ގެންދިޔަ މި ޕްރޮގްރާމް ނިންމައި ބައިވެރިންނަށްވަނީ ހަނދާނީ ލިޔުން ދެވިފައެވެ.