creatividad-del-fichaje-de-cucurella-por-el-chelsea-en-2022--besoccer
ބްރައިޓަންގެ ޒުވާން ޑިފެންޑަރ މާކް ކުކުރެލާ ޗެލްސީއަށް ސޮއިކޮށްފިއެވެ.
އުމުރުން 24 އަހަރުގެ ކުކުރެލާ އަކީ ގެޓާފޭ އިން އައި ފަހުން ބްރައިޓަންގެ ސްޓާ މޭން އެއްގެ ގޮތުގައި ފާހަގަކުރެވެމުން އަންނަ ކުޅުންތެރިއެކެވެ. އޭނާގެ ފުރަތަމަ ސީޒަނުގައިވެސް އޭނާ ވަނީ އެ ކްލަބުގެ ޕްލޭޔަރ އޮފް ދަ ސީޒަން އެވޯޑް ހޯދާފައެވެ.
ކުކުރެލާ މަސައްކަތްކުރާނީ ޗެލްސީގެ ވާތް ފަރާތު ފަޅިން ޖާގަ ހޯދުމަށެވެ. އެތަނަށް މިހާރު ކުޅެމުން އަންނަނީ ބެން ޗިލްވެލް އެވެ. އޭގެ އިތުރުން ޗެލްސީގެ ޑިފެންޑަރު މާކޮސް އަލޮންސޯ ބާސެލޯނާއަށް ބަދަލުވާން އުޅޭކަމުގެ ހަބަރުތައް މިހާރުވަނީ ފެތުރެން ފަށާފައެވެ.
https://www.youtube.com/watch?v=p_dSJ-R477U
މި ޓްރާންސްފާގައި ރަހީމް ސްޓާލިން އާއި ކަލިދޯ ކޫލިބަލީ ޗެލްސީއާ ގުޅިފައިވާއިރު، އެންޓޯނިއޯ ރުޑިގަރ އާއި އެންޑްރިއާސް ކްރިސްޓެންސެން ހިލޭޓްރާންސްފާއެއްގައި ރެއާލް މެޑްރިޑާއި ބާސެލޯނާ އަށް ވަނީ ފޮނުވާލާފައެވެ. ރޮމެލޫ ލުކާކޫ ވަނީ ލޯނު އުސޫލުން އިންޓަ މިލާނަށް އަނބުރާ ފޮނުވާލައިފަ އެވެ.
ޕްރެމިއާލީގުގެ 2022/23ގެ ސީޒަން މިރޭ ފަށާ އިރު، ޗެލްސީ ފުރަތަމަ މެޗުގައި ބައްދަލު ކުރަން ޖެހެނީ ކުރީގެ ކޯޗް ފްރޭންކް ލަމްޕާޑްގެ އިރުޝާދުގެ ދަށުން ކުޅެމުން އަންނަ އެވަޓަން އާއިއެވެ. އެގޮތުން މި މެޗު ކުޅޭނީ ހޮނިހިރު ދުވަހުގެ ރޭ ރާއްޖެ ގަޑިން 21:00 ގަ އެވެ.