1ABB8D70-9DBA-47CE-A5FE-A642C5C048D4
ދިވެހި ފައިސާގެ ނިޝާނުގެ ގޮތުގައި ބޭނުން ކުރާނެ ރަސްމީ ނިޝާން ފުރަތަމަ ފަހަރަށް ތައާރަފު ކޮށްފިއެވެ.
މިއަދު ފާސްކުރި ނިޝާންގައި ‘ރ’ އަކުރުގެ މެދުގައި އިތުރު އެއް ރޮނގުބުރި ދަމާފައިވާ ތަން ދައްކުވައިދޭ އިރު، މި ނިޝާން ހޮވާފައިވަނީ މަރުކަޒީ ބޭންކު، އެމްއެމްއޭ އާއި ދިވެހި ބަހުގެ އެކަޑަމީގެ އޮފިޝަލުންނާއި މިފަދަ މަަސައްކަތް ކުރާ އަމިއްލަ ބައެއް ފަރާތްތައް ހިމެނޭ ކޮމިޓީއަކުންނެވެ.
މި ނިޝާން ތައާރަފު ކޮށްފައިވަނީ މޯލްޑިވްސް މަނިޓަރީ އޮތޯރިޓީގައި އާދީއްތަ ދުވަހު ބޭއްވި ރަސްމިއްޔާތެއްގައެވެ. ނިޝާން ތައާރަފު ކޮށްދެއްވީ މިނިސްޓަރ އޮފް އެންވަޔަރަމަންޓް، ކްލައިމެޓް ޗޭންޖް އެންޑް ޓެކްނޮލޮޖީ އައިމިނަތު ޝައުނާއެވެ.
މިދިޔަ އަހަރު އެމްއެމްއޭ އިން ހުޅުވާލި ފުރުސަތުގައި 70 ފަރާތަކުން ނިޝާން ހުށަހަޅާފައިވެއެވެ. މީގެތެރެއިން ހޮވިފައިވަނީ މ.ސްޕޮޓްލައިޓް، ހުސެއިން ސުޖާއު ފަރުމާކުރި ނިޝާނެވެ.
އެމްއެމްއޭ އިން ބުނީ މި ނިޝާން ބޭނުން ކުރާނީ ހިސާބު އަދަދުގެ ފަހަތަށް ވާ ގޮތަށް ކަމަށާއި ދެން ޗާޕުކުރާ ނޫޓުތަކުގައި މި ނިޝާން ބޭނުންކުރާނެ ކަމަށެވެ.
ފަހުގެ
