ރާއްޖެ އިސްތިހާރުކުރުމާށް ގަތަރު އެއާވޭސްއާއި ގުޅިގެން މަސައްކަތްކުރަން އެއްބަސްވެއްޖެ
# ވިޒިޓް މޯލްޑިވްސް# ގަތަރު އެއާވޭސް# އެމްއެމްޕީއާރުސީ
qatars
ފުޅާދައިރާއެއްގައި ރާއްޖޭ އިސްތިހާރު ކުރުމުގެ ޙަރަކާތްތަކެއް ކުރިއަށް ގެންދިއުމަށް އެމްއެމްޕީއާރްސީ އަދި ޤަތަރު އެއަރވެއިސްއިން އެއްބަސްވުމެއްގައި ސޮއިކޮށްފިއެވެ.
އަރަބިއަން ޓްރެވެލް މާކެޓް 2022 ގެ ހަވާސާގެ ތެރެއިން ބޭއްވި ޚާއްސަ ރަސްމިއްޔިއްތެއްގައި މި އެއްބަސްވުމުގައި ޤަތަރު އެއަރވެއިސްގެ ފަރާތުން އެއްބަސްވުމުގައި ސޮއިކުރެއްވީ އެއެއަރލައިންގެ ޗީފް ކޮމާޝަލް އޮފިސަރ ތިއެރީ އެންޓިނޯރީއެވެ. އެމްއެމްޕީއާރްސީގެ ފަރާތުން އެމްއޯޔޫގައި ސޮއިކުރެއްވީ އެމްއެމްޕީއާރްސީގެ މެނޭޖިންގް ޑިރެކްޓަރ ޠައްޔިބް މުހައްމަދެވެ.
މިއެއްބަސްވުމާ ގުޅޭގޮތުން ދައުލަތުގެ މީޑީއާއަށް ދެއްވި އިންޓަވިއުއެއްގައި އެމްއެމްޕީއާރުސީގެ މެނޭޖިން ޑިރެކްޓަރ ޠައްޔިބް މުޙައްމަދު ވިދާޅުވީ، ރާއްޖެ ދަތުރުކުރާ ބޮޑެތި އެއަރލައިންތަކާއެކު ގުޅިގެން މަސައްކަތްކުރުމަކީ އެމްއެމްޕީއާރުސީން އަބަދުވެސް ކުރާ މަސައްކަތެއްކަމަށެވެ. އެގޮތުން މިދިޔައަހަރުވެސް ޤަތަރު އެއަރވޭސްއާ ގުޅިގެން މުހިންމު މަސައްކަތްތަކެއް ކުރެވިފައިވާކަން އޭނާ ފާހަގަކުރެއްވިއެވެ. މިފަހަރުގެ އެއްބަސްވުމާއިއެކު މިމަސައްކަތް އަލުން ފަށައިގަނެވި ކުރިއަށްދާނެކަން އޭނާ ފާހަގަ ކުރެއްވިއެވެ. އެގޮތުން މި އެއްބަސްވުމުގެ ދަށުން ޤަތަރު އެއަރވޭސްއާ ގުޅިގެން ރާއްޖެ އިސްތިހާރު ކުރުމަށް މުހިންމު ހަރަކާތްތަކެއް ރޭވިފައިވާކަން ޠައްޔިބް ފާހަގަ ކުރެއްވިއެވެ.
ޤަތަރުއެއަރވޭސްއަކީ ރާއްޖެއަށް ދަތުރުކުރާ ބޮޑެތި އެއަރލައިންތަކުގެ ތެރެއިން އެންމެ ގިނަދުވަހު ދަތުރުކުރަމުން އަންނަ އެއް އެއަރލައިނެވެ. ޤަތަރުއެއަރވޭސްއިން ރާއްޖެއަށް ދަތުރުކުރާތާ މިދިޔަ އަހަރުގެ ޑިސެމްބަރަށް 20 އަހަރު ވަނީ ފުރިފައެވެ.
ގުޅުންހުރި
އިންޑިޔާ ކަނޑުގެ އެންމެ މަގުބޫލު މަންޒިލުގެ އެވޯޑާ އެކު އިތުރު އެވޯޑުތަކެއް ރާއްޖެއަށް ލިބިއްޖެ
ރާއްޖޭގެ ފަތުރުވެރިކަން އިޝްތިހާރުކުރުމަށް ދުނިޔޭގެ އެންމެ ބޮޑު ފެއަރގައި ބައިވެރިވެއްޖެ
ރާއްޖޭގެ ފަތުރުވެރިކަން އިޝްތިހާރުކުރުމަށް އެމިޓް ފެއަރގައި ބައިވެރިވެއްޖެ
ރާއްޖޭގެ ފަތުރުވެރިކަން އިޝްތިހާރުކުރުމަށް މިހާތަނަށް 150 ހަރަކާތް ހިންގި
ފަހުގެ
