ރައީސް ސޯލިހް ރާއްޖޭގެ ދެކުނަށް ވަޑައިގަންނަވަނީ
އަހުމަދު ޝުރާއު
3/20/2022, 7:52:34 PM
20220108_114622-800x445
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ދެކުނުގެ ދެ އަތޮޅަށް ދަތުރުފުޅެއް ކުރައްވަން ނިންމަވައިފިއެވެ.
މައުލޫމާތު ލިބިފައިވާ ގޮތުގައި ރައީސް ވަޑައިގަތުމަށް ހަމަޖެހިފައިވަނީ އައްޑު އަތޮޅަށާއި ފުވައްމުލައް ސިޓީއަށެވެ. އެގޮތުން މި ދަތުރުފުޅު ފެއްޓެވުމަށް ހަމަޖެހިފައިވަނީ މިމަހުގެ 25 ވަނަ ދުވަހު އައްޑޫ ސިޓީއިންނެވެ.
ރައީސްގެ މި ދަތުރުފުޅަކީ ސަރުކާރުން އައްޑޫ އާއި ފުވައްމުލަކުގައި ކުރިޔަށް ގެންދިޔަ ބައެއް މަޝްރޫޢުތަކުގެ ނިމުން ފާހަގަކުރުމަށާއި، ބައެއް މަޝްރޫޢުތައް ފަށްޓަވައިދެއްވުމަށް ކުރައްވާ ދަތުރުފުޅެކެވެ.
މިގޮތުން ރައީސް އައްޑޫގައި ޤާއިމްކޮށްފައިވާ ޕޮލިސް އެކެޑަމީ ހުޅުއްވައިދެއްވާނެއެވެ.
މިއީ ރައީސް ސޯލިހް ވެރިކަމާއި ހަވާލުވެވަޑައިގެންނެވި ފަހުން ފުވައްމުލައް ސިޓީއަށް ކުރައްވާ ފުރަތަމަ ރަސްމީ ދަތުރުފުޅެވެ. އަދި މަޖިލިސް އިންތިހާބަށް ފަހު ރައީސް ސޯލިހް އައްޑޫއަށް ވަޑައިގަންނަވާ ފުރަތަމަ ފަހަރެވެ.