ކޮމަންޑޫއާއި ގައްދޫގައި ވެކްސިން ސްޓޯރޭޖެއް ގާއިމް ކުރަނީ
މުޙައްމަދު މުއައްވަޒު
2/23/2022, 1:01:52 PM
l_16297374169ou7g
ށ. ކޮމަންޑުއާއި ގދ. ގައްދޫގައި ވެކްސިން ސްޓޯރޭޖެއް ގާއިމް ކުރަން ނިންމާފައިވާ ކަމަށް ހެލްތު މިނިސްޓަރ އަހުމަދު ނަސީމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ސަރުކާރުންކުރިއަށް ގެންދާ ސިއްހީ ދާއިރާގެ މަޝްރޫއުތަކަށް އަލިއަޅުވާލައި ވާހަކަފުޅުދައްކަވަމުން މިނިސްޓަރ ވިދާޅުވީ ވޯލްޑް ބޭންކުގެ ލޯނު އެހީގެ ދަށުން ރާއްޖޭގެ ތިން ސަރަހައްދެއްގައި ވެކްސިން ސްޓޯރޭޖެއް ގާއިމްކުރުމުގެ މަސައްކަތް ކުރަމުން އަންނަ ކަމަށެވެ.
މިނިސްޓަރު ނަސީމް ވިދާޅުވި ގޮތުގައި، ކޮވިޑް-19 ގެ ފަރުވާއަށް ބޭނުން ކުރާ ވެކްސިން ރައްކާ ކުރުމަށް ސަރުކާރުން ނިންމާފައިވާ ކަމަށާއި، އެގޮތުން ހުޅުމާލެ، ށ. ކޮމަންޑޫ، އަދި ގދ. ގައްދޫގައި ވެކްސިން ސްޓޯރޭޖް ގާއިމްކުރުމަށް މިއަހަރުތެރޭގައި ޓެންޑަރކޮށް ހަވާލުކުރެވޭނެ ކަމަށެވެ.
ރާއްޖޭގެ ތިން ސަރަހައްދެއްގައި، ވެކްސިން ސްޓޯރެޖެއް ގާއިމް ކުރުމަށް ނިންމާފައިވަނީ، ރާއްޖޭގެ އެކި ކަންކޮޅުތަކަށް ރައްކާތެރިކަމާއެކު ވެކްސިން ފޯރުކޮށްދިނުމަށެވެ.