ތެނަދޫ ޒުވާނުންގެ ދުވަހުގެ ހަރަކާތްތައް: އަންނަ ހުކުރުގައި އެޗްއެސްސީއިން ހާއްސަ ފެތުމުގެ ހަރަކާތެއް!

ގދ ތިނަދޫގެ ޖަމިއްޔާތަކާއި ތިނަދޫ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ އިތުރުން ތިނަދޫ ކޮމިއުނިޓީ ސެންޓަރު ގުޅިގެން މިއަހަރުގެ ޒުވާނުންގެ ދުވަސް ކުލަގަދަކޮށް ފާހަގަކުރުމަށް ރޭވިފައި ހުރި ހަރަކާތްތަކުގެ ތެރެއިން ހުވަދު ސްވިމިންގ ކްލަބުން އިސްނަގައިގެން ބާއްވާ ފެތުމުގެ މުބާރާތް އަންނަ ހުކުރު ދުވަހު ބޭއްވުމަށް ނިންމައިފި އެވެ.

ހުވަދު ސްވިމިންގ ކްލަބްގެ ރައީސް، އަހްމަދު ޖަމްޝީދު ގާފު” އަށް މައުލޫމާތު ދެއްވަމުން ވިދާޅުވީ ޤައުމީ ޒުވާނުންގެ ދުވަހުގެ މުނާސަބަތުގައި އެކްލަބުން ތިނަދޫގައި ޚާއްސަ ފެތުމުގެ މުބާރާތެއް ކުރިޔަށް ގެންދިޔުމަށް ހަމަޖެހިފައިވާ ކަމަށާއި މި މުބާރާތް ކުރިޔަށް ގެންދިޔުމަށް ހަމަޖެހިފައިވަނީ ތިނަދޫގެ ހުރިހާ މުވައްސަސާތަކުގެ އެހީތެރިކަމާއި ބައިވެރިވުމާއި އެކުގައި ކަމަށެވެ.

މި މުބާރާތުގައި ކުރިޔަށް ގެންދިޔުމަށް ހަމަޖެހިފައިވަނީ ތިނަދޫގެ ސްކޫލުތަކުން ހޮވޭ 30 ބައިވެރިންގެ ޓީމަކާއި ތިނަދޫގެ މުވައްސަސާތަކުން ނެގުމަށް ހަމަޖެހިފައިވާ ޓީމެއްގެ ދެމެދުއެވެ.

ޤައުމީ ޒުވާނުންގެ ދުވަހުގެ މުނާސަބަތުގައި ބާއްވާ ފެތުމުގެ ހަރަކާތަކީ ތިނަދޫގައި ޒުވާނުންގެ ދުވަސް ފާހަގަކުރުމަށް ބާއްވާ ހަރާތްތައް ފެށުމުގެ ގޮތުން ބާއްވާ ފުރަތަމަ ހަރަކާތެވެ. އެގޮތުން މި ހަރަކާތް އޮންނާނީ އަންނަ ހުކުރު ދުވަހުގެ ހެނދުނު 07:00 ގައި ތިނަދޫ ސްވިމިންގ ޓްރެކް ސަރަހައްދުގައި އެވެ.

ގދ ތިނަދޫގެ ޖަމިއްޔާތަކާއި ތިނަދޫ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ އިތުރުން ތިނަދޫ ކޮމިއުނިޓީ ސެންޓަރު ގުޅިގެން އެދުވަހަށް ގިނަ ހަރަކާތްތަކެއް ވަނީ ކުރިޔަށް ގެންދިޔުމަށް ނިންމާފައި އެވެ.

ތިނަދޫގައި މިއަހަރު ކުރިޔަށް ގެންދިޔުމަށް ރޭވިފައިވާ ބައެއް ހަރަކާތްތައް:

މަސް ރޭސް މުބާރާތް

ފެތުމުގެ މުބާރާތް

އަންހެނުންގެ ހޭންޑްބޯޅަ މެޗް

ފިރިހެނުންގެ ފުޓްސަލް މެޗް

ޚާއްސަ ދުވުން

މިއުޒިކް ޝޯވ

ޒުވާނުންގެ ދުވަހުގެ ހަރަކާތްތައް ފެށުމަށް ހަމަޖެހިފައިވަނީ މިމަހުގެ 22 ވަނަ ދުވަހު އެވެ.

މިއަހަރުގެ ހަރަކާތްތަށް ކުރިޔަށް ގެންދާނީ ތިނަދޫގެ ޖަމިއްޔާތަކުން އިސްނަގައިގެންނެވެ. އެގޮތުން ހުވަދޫ ސްވިމިންގ ކްލަބް (އެޗްއެސްސީ), ހުވަދޫ ރެކްރިއޭޝަން (އެޗްއާރް), ހުވަދޫ ބެޑްމިންޓަން ކްލަބް(އެޗްބީސީ) ، ހުވަދޫ އެސޯސިއޭޝަން ފޯރ ނޭޝަނަލް ޑިވެލޮޕަމަންޓް (ހޭންޑް), ހަވަރު ސްޕޯޓްސް ، ރައުހަތު ސްޕޯޓްސް ، ތިނަދޫ އެސޯސިއޭޝަން ފޮރ ޔޫތު ޑިވެލޮޕަމަންޓް އެންޑް އެންޕަވަރމެންޓް (ޓޭޑް) ، ތިނަދޫ ޔޫތު ފުޓްބޯޅް ކްލަބް (ޓީވައިއެފްސީ) އަދި ސްޕޯޓްސް ކްލަބް ޔުނީކް(އެސްސީޔޫ) އާއި ސްކީމް- ތިނަދޫ ބްރާންޗް ވަނީ މި ހަރަކާތްތަށް އިންތިޒާމްކުރުމުގައި އިސްނަގާފައި އެވެ.

ތިނަދޫގައި ކުރިޔަށްދާ ހަރަކާތްތަކުގެ މީޑިއާ ޕާޓްނަރުންގެ ގޮތުގައި ހަމަޖައްސާފައިވަނީ ގާފު އޮންލައިން އާއި އިވެންޓްކާސްޓް ގެ އިތުރުން ހުވަދޫ ނޫސް އެވެ.