މިރޭގެ މެޗު ބޮޑިބަތާއިއެކު ކުރިޔަށްވުރެވެސް ފޯރިގަދަކޮށް ޒިމަމަންގެ ބޮޑު ސްކްރީނުން!

ރާއްޖޭގައި މިހާރު ކުރިއަށްދާ އުރީދޫ ސާފް ޗެމްޕިއަންޝިޕްގައި ޤައުމީ ޓީމު މިރޭ ކުޅޭ މެޗު ގދ. ތިނަދޫ ޒިމަމަން ރެސްޓޯރަންޓްގެ ބޮޑު ސްކްރީނުގައި އަޅުވަން ނިންމައިފި އެވެ.

ޒިމަމަން އިން ބުނީ، މިރޭ ރާއްޖެއާއި އިންޑިއާ ކުޅޭ މެޗު އެ ރެސްޓޯރަންޓުގެ ބޮޑު ސްކްރީނުގައި އަޅުވާނެކަމަށެވެ. އަދި މެޗް ގަޑިއަށް ބޮޑިބަތްވެސް ލިބެން ހުންނާނެކަމަށް އެ ރެސްޓޯރަންޓުން ބުނެއެވެ.

މިރޭ ޒިމަމަންގައި ބާއްވާ މި ހަރަކާތް އިންތިޒާމުކުރަނީ އެސްއެމްޑީ ބްރަދާސް އާ ޒިމަމަން އާ ގުޅިގެންނެވެ.

މިމުބާރާތުގެ ފަހުމެޗަށް ރާއްޖެ ނުކުންނަ އިރު ރާއްޖެއަށް ވަނީ 6 ޕޮއިންޓް ލިބިފައި އެވެ. އަދި އިންޑިއާއަށް ވަނީ 5 ޕޮއިންޓް ލިބިފައިއެވެ މި މެޗު ވެގެންދާނީ މި މުބާރާތުގައި ފައިނަލްގެ ޖާގަ ކަށަވަރުވެގެންދާނެ މުހިންމު މެޗަކަށެވެ.

މިރޭ ރާއްޖެ- އިންޑިއާ ކުޅޭ މެޗު ފެށުމަށް ހަމަޖެހިގައިވަނީ 21:00 ގައެވެ.