ލޭންޑިންގ ކްރާފްޓެއް އަޑިއަށް ގޮސް ދެ މީހަކު ގެއްލިއްޖެ

ކ. ތިލަފުށިން ފުރައިގެން ދަތުރުކުރި ލޭންޑިންގ ކްރާފްޓެއް އަޑިއަށް ދިއުމާ ގުޅިގެން، އޭގައި ތިބި މީހުންގެ ތެރެއިން ދެ މީހަކު ހޯދުމުގެ މަސައްކަތް ފުލުހުން ފަށައިފިއެވެ.

ފުލުހުންގެ އިދާރާއަށް މި ހާދިސާގެ މައުލޫމާތު ލިބިފައިވަނީ މިއަދު ހެނދުނު 08:48 ހާއިރު ކަމަށާއި، އެ އުޅަނދު ދިޔަވެ އަޑިއަށް ދާން ފެށީ ކ. ގާފަރު ކައިރިން ކަމަށް މައުލޫމާތު ލިބެއެވެ.

މި ހާދިސާ ހިނގިއިރު އެ އުޅަނދުގައި ޖުމްލަ 10 މީހުން ތިބި ނަމަވެސް، މިހާތަނަށް ސަލާމަތް ކުރެވިފައިވަނީ 8 މީހުންނެވެ. އެމްއެންޑީއެފުން ހާމަކޮށްފައިވާ ގޮތުގައި، އަދިވެސް ނުފެނިގެން ހޯދަމުންދަނީ ބިދޭސީ ދެ މަސައްކަތްތެރިންނެވެ.

މި ދެ މީހުން ހޯދުމަށް ކަމާގުޅޭ އިދާރާތަކުން ދަނީ ހަރަކާތްތެރިވަމުންނެވެ.