ފްލައިނަސްގެ ދަތުރުތައް ރާއްޖެއަށް އަލުން ފަށައިފި

ސައުދީ އަރަބިއްޔާގެ އެއާލައިން ފްލައިނަސްގެ ދަތުރުތައް ރާއްޖެއަށް އަލުން ފަށައިފި އެވެ.

ފްލައިނަސްގެ ފުރަތަމަ ފްލައިޓް އިއްޔެ ވެލާނާ އިންޓަނޭޝަނަލް އެއާޕޯޓް (ވީއައިއޭ) އަށް ޖެއްސުމުން ފްލައިޓަށް ވޯޓާ ސެލިއުޓްދީ، ފްލައިޓުން ރާއްޖެ އައި ފަސިންޖަރުންނަށް ފިނިފެންމަލުން މަރުހަބާ ކިޔާފައިވެ އެވެ.

ފްލައިނަސްގެ ދަތުރުތައް އަލުން ފެށުމާއެކު، ސައުދީ އަރަބިއްޔާގެ ރިޔާޒާއި މާލެއާ ދެމެދު ފްލައިނަސް އިން ކުރާ ސީދާ ދަތުރުތައް ހަފްތާއަކު 3 ދުވަހު ބޭއްވުމަށްވަނީ ހަމަޖެހިފަ އެވެ.

ފްލައިނަސް ވުޖޫދަށް އައި 2007 ވަނަ އަހަރު ނަސްއެއާގެ ނަމުގަ އެވެ.އެ އެއާލައިނުން ދަނީ އޭޝިއާ ޕެސިފިކްގެ އިތުރުން ޔޫރަޕާއި އެފްރިކާ އަދި މެދުއިރުމަތީގެ މަންޒިލްތަކަށް ދަތުރުތައް ބާއްްވަމުންނެވެ.