މުޅި ޕީއެންސީ ދަނީ ޕާޓީގެ މަތީ މަޖިލިހަށް ވަރަށް ފުރިހަމައަށް ތައްޔާރުވަމުން: ޝުޖާޢު

މުޅި ޕީއެންސީ ދަނީ ޕާޓީގެ މަތީ މަޖިލިހަށް ނުވަތަ ކޮންގްރެސްއަށް ވަރަށް ފުރިހަމައަށް ތައްޔާރުވަމުން ކަމަށް އެ ޕާޓީގެ ސީނިއަރ ޑެޕިއުޓީ ޕީޖީ ލީޑަރ އަދި ބާރަށު ދާއިރާގެ އިއްޒަތްތެރި މެންބަރު އިބްރާހިމް ޝުޖާއު ވިދާޅުވެއްޖެއެވެ.

ޝުޖާއު މިހެން ވިދާޅުވީ ޕީއެންސީގެ މެންބަރުންގެ މަޖިލީހުގެ ބައްދަލުވުމަކާ ގުޅޭގޮތުން ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ.

ޝުޖާޢު ކުރެއްވި ޕޯސްޓުގައި ވަނީ މެމްބަރުންގެ މަޖިލީހަށް ރައީސް ޑރ މުޢިއްޒު ރޭ ހުށައެޅުމެއް ހުށައެޅުއްވިކަން ހާމަކުރައްވާފައެވެ.

އެގޮތުން މެމްބަރުންގެ މަޖިލީހުގެ އިއްތިފާޤުން އެހުށައެޅުން ފާސްވި ކަމަށާއި ޕާޓީގެ މެމްބަރުންގެ މަޖިލީހުގެ ބައްދަލުވުންތައް ކައިރި ކައިރީގައި ބާއްވާނެ ކަމަށްވެސް ޝުޖާޢުގެ ޕޯސްޓުގައިވެއެވެ.

އަދި މުޅި ޕާޓީ ދަނީ ޕާޓީގެ މަތީ މަޖިލިހަށް (ކޮންގްރެސްއަށް) ވަރަށް ފުރިހަމައަށް ތައްޔާރުވަމުންކަން ޝުޖާޢު ފާހަގަކުރެއްވިއެވެ.