ފީއަލީގައި އަލިފާނުގެ ބޮޑު ހާދިސާއެއް، ހަތަރު ދޯންޏާއި އައިސްޕްލާންޓުގައި ރޯވެއްޖެ!

ފ. ފީއަލީ ބަނދަރުގައި އޮތް ތެޔޮ އުފުލާ ދޯންޏެއްގައި އަލިފާން ރޯވެ، އަލިފާންގަނޑު ފެތުރި ކައިރީގައި އޮތް އިތުރުން ތިން ދޯންޏެއްގައި ވެސް ރޯވެއްޖެ އެވެ.

ފުލުހުން ވިދާޅުވީ، ބޯޓުގައި ރޯވި ކަމުގެ ރިޕޯޓް ލިބިފައިވަނީ މިއަދު ހެނދުނު 09:15 އެހާކަންހާއިރު ކަމަށެވެ.

ބޯޓުގައި ރޯވުމާއި ގުޅިގެން އަލިފާންގަނޑު ނިއްވާލުމަށް އެސަރަހައްދުގައި ފުލުހުންނާއި ކަމާގުޅުން ހުރި އިދާރާތަކުން ހަރަކާތްތެރިވަމުން އަންނަ ކަމަށް ވެސް ފުލުހުން ވިދާޅުވިއެވެ.

މި ހާދިސާގައި ބިދޭސީއަކަށް އަނިޔާވެގެން އެރަށު ސިއްހީ މަރުކަޒުގައި ފަރުވާ ދެމުން އަންނަ ކަމަށް ވެސް ފުލުހުން ވިދާޅުވިއެވެ.