އެމެރިކާގެ ސިފައިންތަކެއް އަތުލައިގަނެފިން - އިރާން

މިހާރު މެދުއިރުމަތީގައި ހިނގަމުންދާ ހަނގުރާމައިގެ ތެރެއިން އެމެރިކާގެ ސިފައިންތަކެއް އަތުލައިގަނެ އިރާނުގެ ސަލާމަތީ ބާރުތަކުގެ ދަށަށް ގެނެސްފައިވާކަން ހާމަކޮށްފި އެވެ.

މިކަން ހާމަކުރެއްވީ އީރާނުގެ ގައުމީ ސަލާމަތާ ބެހޭ މަޖިލީހުގެ ވެރިޔާ އަލީ ލާރިޖާނީ އެވެ.

އިރާނުގެ ދައުލަތުގެ މީޑިއާއަށް ދެއްވި ޚާއްސަ ބަސްދީގަތުމެއްގައި އޭނާ ވިދާޅުވަނީ މީގެ ހަފްތާއެއްހާ ދުވަސް ކުރިން ހަނގުރާމަ ފެށިފަހުން އެމެރިކާ ސިފައިންގެ “ގިނަ އަދަދެއްގެ” މީހުން އަތުލައިގަނެފައިވާ ކަމަށެވެ. ނަމަވެސް އަތުލައިގަތީ ކިތައް މީހުން ކަމެއް އަދި އެމީހުން އަތުލައިގަތް ހާލަތެއް ވެސް އޭނާ އަދި ހާމައެއް ނުކުރައްވަ އެވެ.

ލާރިޖާނީ އިތުރަށް ވިދާޅުވީ އެމެރިކާގެ ރައީސް ޑޮނަލްޑް ޓްރަމްޕް އީރާނާ ދެކޮޅަށް ފެށި ހަނގުރާމައަކީ އޭނާގެ "ބައިނަލްއަގްވާމީ ގޯސް ހިސާބުތަކުގެ" ނަތީޖާއެއް ކަމަށާއި، ޓްރަމްޕް ހީކުރެއްވީ އީރާނުގައި ވެނެޒުއެލާ މޮޑެލް ތަކުރާރު ކުރެވޭނެ ކަމަށް ކަމަށާއި ނަމަވެސް މިހާރު ސްޓްރެޓެޖިކް ޑެޑްލޮކެއްގައި ޖެހިފައިވާ ކަމަށެވެ.

އޭނާ ވިދާޅުވީ އެމެރިކާ މިހާރު އޮތީ "އަމިއްލަ ގޯސް ހިސާބުތަކުގެ ވަޅުގަނޑުގައި" ކަމަށާއި، އީރާނަށް ހަމަލާދިނުމުގައި ޓްރަމްޕްގެ އަމާޒުތައް ހާސިލް ނުކުރެވިފައިވާ ކަމަށެވެ. އަދި މި ހަމަލާތަކުގެ އަގު ޓްރަމްޕު ދައްކަން ޖެހޭނެ ކަމުގެ އިންޒާުވެސް އޭނާ ދެއްވި އެވެ.