ބަހްރައިނުގައި ހުންނަ އެމެރިކާގެ ބޭސްއަށް އިރާނުން ހަމަލާދީފި: "މިއީ އިރާނުގެ ޑީސެލިނޭޝަން ޕްލާންޓަކަށް އެމެރިކާއިން ދިން ހަމަލާއަށް ރައްދެއް!"

ބަހްރައިނުގައި ހުންނަ އެމެރިކާގެ ބޭސްއަށް އިރާނުން ހަމަލާދީފިއެވެ.

އީރާނުގެ ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ބުނާ ގޮތުގައި ބަހްރެއިންގެ ޖުއްފާރުގައި ހުންނަ އެމެރިކާގެ މަރުކަޒަށް ސޮލިޑް އަދި ލިކުއިޑް ފިއުލް މިސައިލްތައް ބޭނުންކޮށްގެން މިރޭ ވަނީ ހަމަލާދީފައި އެވެ.

މި ހަމަލާއަކީ އިރާނުގެ ޤަޝްމްގައި ހުންނަ ޑީސެލިނޭޝަން ޕްލާންޓަކަށް އެމެރިކާއިން ދިން ހަމަލާއަށް ރައްދު ދިނުމުގެ ގޮތުން ދިން ހަމަލާއެއް ކަމަށް އައިއާރްޖީސީން ބުނެއެވެ.

އިރާނުގެ ފޮރިން މިނިސްޓަރު އަރާޣްޗީ ވަނީ އެމެރިކާއިން ޤަޝްމްގައި ހުރި ޑީސެލިނޭޝަން ޕްލާންޓަކަށް ދިން ހަމަލާގެ ސަބަބުން 30 އަވަށަކަށް ފެން ފޯރުކޮށްދިނުމަށް ބުރޫއަރާ ކަމަށެވެ.

ބަހްރެއިންގެ މިނިސްޓްރީ އޮފް އިންޓީރިއާ އިން އެކްސް ގައި ކޮށްފައިވާ ޕޯސްޓެއްގައި ބުނީ އިރާނުގެ ހަމަލާއެއްގެ ސަބަބުން އެގައުމުގެ އެއާ ރެއިޑް ސައިރެންތައް އެކްޓިވޭޓް ވެފައިވާ ކަމަށާއި، އަދި ރައްޔިތުން ހިޔާވަހިކަން ހޯދުމަށް އިލްތިމާސްކުރާ ކަމަށެވެ.