ގާފު ރެސިޕީ: މެންގޯ ޕުޑިންގ

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.

1447 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީތަކެއް ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ އަށާރަވަނަ ރެސިޕީއެއްގެ ގޮތުގައި މިގެނެސްމިދެނީ މެންގޯ ޕުޑިންގ އެވެ.

މެންގޯ ޕުޑިންގ ހެދުމަށް ބޭނުންވާ ތަކެތި:

1. 1 ޖޯޑު ކޮށާފައި ހުރި އަނބު
2. ބައި ޖޯޑު ފެން
3. 2 ނުވަތަ 3 މޭޒުމަތީ ސަމުސާ ހަކުރު
4. 2 މޭޒުމަތީ ސަމުސާ ޖެލަޓިން
5. 150 އެމް.އެލް ފެން
6. 250 އެމް.އެލް ހެވީ ކްރީމް

ތައްޔާރުކުރާނެ ގޮތް:

އެއް ޖޯޑު އަނބު އަދި 0.5 ޖޯޑު ފެނާއި އެއްކޮށް ރަނގަޅަށް މިކްސަރުގައި ހިމޫން ވަންދެން ގިރާލާށެވެ. އެއަށްފަހު ފުރާނާލާށެވެ.

އަދި ތެށްޔެއްގައި ހެވީ ކްރީމް އަދި ހަކުރު އޮލަވަންދެން ކަށްކާލާށެވެ. ވަކި ތަށްޓެއްގައި 150 އެމް.އެލް ފެނާއި ޖެލަޓިން އެށްކޮށްލާށެވެ.

ކުރިން ހެދި އަނބު ކޮޅާއި ކްރީމް ކޮޅު އަދި ޖެލަޓިން އެޅުމަށްފަހު ހުރިހާ އެށްޗެއް ރަނގަޅަށް އެއްކޮށްލާށެވެ. ތަށްޓަކަށް ކުރިން ކޮށާފައި ހުރި އަނބުކޮޅު އެޅުމަށްފަހު އޭނގެ މައްޗަށް ޕުޑިން މިކްސްޗަރ އަޅާލާށެވެ.

ރަނގަޅަށް ފިން ވަންދެން ( އެންމެ މަދުވެގެން 4 ގަޑިއިރު ) އަލަމާރގައި ފިނި ކޮށްލާށެވެ.

މިހާރު މިހިރީ މެންގޯ ޕުޑިންގ ތައްޔާރުކޮށް ނިމިފައިއެވެ. މިއީ ޕުޑިންގ އަށާއި އަނބަށް ލޯބި ކުރާ ފަރާތްތަކަށް މީރު ޕުޑިންގ އަކަށް ވެގެންދާނެ ކަމަށް އުއްމީދުކުރަމެވެ.