ހަމަލާތައް ހުއްޓާލާނީ އިރާނުން ޝަރުތަކާއިނުލައި އަމާންދިނުމުން - ޓްރަމްޕު

އިސްރާއީލާއި ގުޅިގެން އެމެރިކާއިން އިރާނަށް ދެމުންދާ ހަމަލާތައް ހުއްޓާލަން އޮތީ އެންމެ ޝަރުތެއް ކަމަށާއި އެއީ "އެއްވެސް ޝަރުތަކާއިނުލައި" އަމާން ދިނުން ކަމުގައި އެމެރިކާގެ ރައީސް ޑޮނަލްޑް ޓްރަމްޕު ވިދާޅުވެއްޖެ އެވެ.

މި ހަމަނުޖެހުން ނިމުމަކަށް ގެނައުމަށް އީރާނާއެކު ޑިޕްލޮމެޓިކް އެއްބަސްވުމެއް ހެދުމުގެ އެއްވެސް ފުރުސަތެއް ނެތް ކަން ހާމަކުރައްވައި އަމިއްލަފުސޯޝަލް މީޑިއާގައި ޓްރަމްޕު ކުރެއްވި ޕޯސްޓެއްގައި ވިދާޅުވީ ޝަރުތުތަކާ ނުލައި އިރާން އެމެރިކާއާއި ހަވާލުކުރުން ފިޔަވައި އީރާނާ އެކު އެއްވެސް އެއްބަސްވުމެއް ނޯންނާނެކަމަށެވެ.

އެމެރިކާއާއި އެގައުމުގެ އެކުވެރި ގައުމުތަކުން "އީރާން ފަނާވުމުގެ މަގުން އަނބުރާ ގެނައުމަށް ވަރުބަލިކަމެއް ނެތި މަސައްކަތް ކުރާނެ" ކަމަށް ޓްރަމްޕް ވިދާޅުވި އެވެ.

މިދިޔަ ހޮނިހިރު ދުވަހު އެމެރިކާއާއި އިސްރާއީލުން ދިން ފުރަތަމަ ހަމަލާތަކުގައި އީރާނުގެ އެންމެ މަތީ ލީޑަރު ޝަހީދުކޮށްލާފައިވާއިރު، ޓްރަމްޕް މީގެ ކުރިން ވިދާޅުވެފައި ވަނީ އައު އިސް ލީޑަރަކު ހޮވުމުގައި އޭނާގެ ބައިވެރިވުން އޮންނަން ޖެހޭނެ ކަމަށް ބުނެފައި އެވެ.

އަދި މިއަދުގެ ޕޯސްޓުގައިވެސް ޓްރަމްޕު ވަނީ "މޭކް އީރާން ގްރޭޓް އެގެއިން" ޝިޔާރު ލިޔުއްވާފައި އެވެ. އެގޮތުން އެމެރިކާއިން ކޮންމެ ގައުމަކަށްވެސް ހަމަލާދިނުމަށްފަހު މި ޝިޔާރު އެގައުމަކަށް ބޭނުންކުރެއެވެ.

އިތުރު ތަފްސީލް އަންނަނީ ..