ގާފު ރެސިޕީ: ކިއުކަމްބަރ ސޭންޑްވިޗް

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.

1447 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީތަކެއް ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ އެގާރަވަނަ ރެސިޕީއެއްގެ ގޮތުގައި މިގެނެސްމިދެނީ ކިއުކަމްބަރ ސޭންޑްވިޗް އެވެ.

ބޭނުންވާނެ ތަކެތި:

1. 1/2 ފިޔާ (ތުނިކޮށް ކޮށާފައި)
2. 2 މޭޒުމަތީ ސަމުސާ ލުނބޯ ޖޫސް
3. 1/2 މޭޒުމަތީ ސަމުސާ ލޮނު
4. 1/4 ސައިސަމުސާ އަސޭމިރުސް (މިގުރާފައި)
5. 1/2 ކިއުކަމްބާ (ތުނިކޮށް ކޮށާފައި)
6. 2 މޭޒުމަތީ ސަމުސާ ސިލަންޓްރޯ ނުވަތަ ޕާސްލީ (ކޮށާފައި)
7. 4 ފޮތި ޕާން
8. 6 މޭޒުމަތީ ސަމުސާ ހުމުސް

ތައްޔާރުކުރާނެ ގޮތް:

އެންމެ ފުަރަތަމަ ތައްޓެއްގައި ފިޔާ، ލުނބޯ ޖޫސް، ލޮނު އަދި އަސޭމިރުސް އެއްކޮށްލާށެވެ. ފިޔާގަޑު ރަނގަޅަށް އެއްވުމުން އޭގެތެރެއަށް ކިއުކަމްބާ އާއި ސިލަންޓްރޯ ނުވަތަ ޕާސްލީ އެއްކޮށްލާށެވެ. ދެން ޕާން ފޮތީގައި ހުމުސް ހާކާލާށެވެ. އެއަށްފަހު އެއްފޮށްޗަށް ކިއުކަމްބާ މިކްސްޗަރ އަޅާފައި އަނެއް ފޮތި މަތީގައި ބާއްވާލާށެވެ.

މިހެން ކިއުކަމްބާ މިކްސްޗަރ ހުސްވަންދެން ރިޕީޓްކޮށްލާށެވެ.

މިހާރު މިހިރީ މި ސޭންޑްވިޗް ތައްޔާރުކޮށް ނިމިފައިއެވެ. މިއީ ސިއްހަތަށް ފައިދާހުރި މަދު ބާއްވަތްތަކެއް ބޭނުންކޮށްގެން ތައްޔާރުކޮށްލެވޭނެ ރެސިޕީއެެކެވެ.