ބޮޑު ސަރަހައްދަކަށް މިރޭވެސް ހުދު ސަމާލު: އަދިވެސް ވައިގަދަ!

އުތުރާއި މެދުރާއްޖެތެރޭގެ ބައެއް އަތޮޅުތަކަށް މޫސުން ގޯސްވެ ހުދު ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން ހުދު ސަމާލު ނެރެފައިވަނީ ނ އަތޮޅުން ފެށިގެން އދ އަތޮޅާއި ހަމައަށް މިރޭގެ 00:00 އިން ފެށިގެން 06:00 ގެ ނިޔަލަށެވެ.

އެގޮތުން ހުދު ސަމާލުގެ މުއްދަތުގައި ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހި ކަނޑުތައް ގަދަވާނެ ކަމަށް ވަނީ ލަފާކޮށްފައެވެ.

މިދިޔަ އަންގާރަ ދުވަހުން ފެށިގެން ރާއްޖޭގެ އުތުރުގެ ސަރަހައްދުތަކަށް އަންނަނީ ވިއްސާރަކުރަމުންނެވެ.