މާލެ ހިޔާ ފްލެޓުން މީހަކު ވެއްޓިގެން ފަރުވާދެނީ!

މާލެ ހިޔާ 1 ވަނަ ފްލެޓްގެ 5 ވަނަ ފަންގިފިލާއިން މީހަކު ވެއްޓިގެން ފަރުވާދޭން ފަށައިފި އެވެ.

ފުލުހުން ބުނީ ފްލެޓުން މީހަކު ވެއްޓިފައިވާކަމުގެ މައުލޫމާތު ލިބުނީ މިއަދު ހެނދުނު 06:50 ހާއިރު ކަމަށެވެ.

ވެއްޓިފައިވަނީ އުމުރުން 60 އަހަރުގެ ދިވެހި ފިރިހެނެއް ކަމަށް ފުލުހުން ބުންޏެވެ. އަދި އެ މީހާ ވެއްޓިފައިވަނީ އެ އެ އިމާރާތުގެ 5 ވަނަ ފަންގިފިލާއިން ކަމަށް ފުލުހުން ބުންޏެވެ.

ވެއްޓުނު މީހާއަށް ފަރުވާދެމުންދަނީ އައިޖީއެމްއެޗްގަ އެވެ. ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ.