ލޯކަލް ކައުންސިލް އަދި ޑަބްލިއުޑީސީ އިންތިޚާބު: މިހާތަނަށް 2888 ފަރާތެއްގެ ކެނޑިޑެސީ ބަލައިގެންފި

ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 ގައި ވާދަކުރުމަށް ކެނޑިޑެސީ ހުށަހެޅި 2888 ފަރާތެއްގެ ކެނޑިޑިސީ ބަލައިގެންފައިވާކަމަށް އީސީން ހާމަކޮށްފި އެވެ.

ލޯކަލް ކައުންސިލްތަކުގެ އިންތިޚާބުގެ ޤާނޫނުގެ ދަށުން ބާއްވަންޖެހޭ ލޯކަލް ކައުންސިލްތަކުގެ އިންތިޚާބާއި ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން އެކުލަވާލާ ރަށު ކައުންސިލްތަކާއި ސިޓީ ކައުންސިލްތަކަށް އިންތިޚާބު ކުރަންޖެހޭ މަޤާމުތަކަށް ކުރިމަތިލުމަށް އެދޭ ފަރާތްތަކަށް ފޯމު ހުށަހެޅުމުގެ ފުރުޞަތު ހުޅުވާލީ މިމަހުގެ 17 ވަނަ ދުވަހު އެވެ. ކެނޑިޑިސީ ހުށަހެޅުމުގެ ސުންގަޑިއަކީ މާދަމާގެ 15:30 އެވެ.

އީސީން މިއަދު ވަނީ އިންތިހާބަށް ކުރިމަތިލުމަށް ފޯމު ހުށަހަޅާފައިވާ ގޮތުގައި އަދާހަމަ ހާމަކޮށްފައެވެ. އެގޮތުން ރޭގެ ނިޔަލަށް ލޯކަލް ކައުންސިލަށް 1865 ފަރާތަކުން ފޯމު ހުށަހަޅާފައިވާއިރު އޭގެ ތެރޭގައި ހިމެނެނީ ސިޔާސީ ޕާޓީތަކުން ފޯމު ހުށަހެޅި 1366 ފަރާތަކާއި އަމިއްލަ ގޮތުން ފޯމު ހުށަހެޅި 496 ފަރާތެކެވެ. ސިޔާސީ ޕާޓީތަކުގެ ފަރާތުން ފޯމު ހުށަހެޅި 1197 ފަރާތެއްގެ ކެނޑިޑެސީ ބަލައިގެންފައިވާއިރު 169 ފަރާތެއްގެ ކެނޑިޑިސީ ބަލައިގެންފައިނުވެއެވެ. ނަމަވެސް ކެނޑިޑިސީ ގަބޫލުކޮށްފައިނުވާ ފަރާތްތަކުގެ ތެރެއިން 163 ފަރާތެއް އަލުން ވަނީ ފޯމު ހުށަހަޅާފައި އެވެ.

އަމިއްލަ ގޮތުން ފޯމު ހުށަހެޅި 140 ފަރާތެއްގެ ކެނޑިޑިސީ ބަލައިގަނެފައިނުވާއިރު އޭގެ ތެރެއިން 123 ފަރާތެއްގެ ވަނީ އަލުން ފޯމު ހުށަހަޅާފައި އެވެ.

ރޭގެ ނިޔަލަށް އަންހެނުންގެ ތަރައްޤީއަށް މަސައްކަތްކުރާ ކޮމެޓީއަށް 1948 ފަރާތަކުން ފޯމު ހުށަހަޅާފައިވާއިރު އޭގެ ތެރޭގައި ހިމެނެނީ ސިޔާސީ ޕާޓީތަކުން ފޯމު ހުށަހެޅި 1216 ފަރާތަކާއި އަމިއްލަ ގޮތުން ފޯމު ހުށަހެޅި 332 ފަރާތެކެވެ. ސިޔާސީ ޕާޓީތަކުގެ ފަރާތުން ފޯމު ހުށަހެޅި 1091 ފަރާތެއްގެ ކެނޑިޑެސީ ބަލައިގެންފައިވާއިރު 125 ފަރާތެއްގެ ކެނޑިޑިސީ ބަލައިގެންފައިނުވެއެވެ. ނަމަވެސް ކެނޑިޑިސީ ގަބޫލުކޮށްފައިނުވާ ފަރާތްތަކުގެ ތެރެއިން 118 ފަރާތެއް އަލުން ވަނީ ފޯމު ހުށަހަޅާފައި އެވެ. އަދި އަމިއްލަ ގޮތުން ފޯމު ހުށަހެޅި 91 ފަރާތެއްގެ ކެނޑިޑިސީ ބަލައިގަނެފައިނުވާއިރު އޭގެ ތެރެއިން 74 ފަރާތެއްގެ ވަނީ އަލުން ފޯމު ހުށަހަޅާފައި އެވެ.

އީސީންބުނީ ކެނޑިޑިސީ ބަލައިގެންފައިނުވާ ފަރާތްތަކުގެ ކެނޑިޑިސީ ބަލައިގެންނުވާ މައިގަަނޑު ސަބަބުތަކަކީ ކުށާގެ ދަރަނީގެ ރެކޯޑް އުމުރަށް ހުށަހަޅާފައިނުވުމާއި ކުށެއް ނުވަތަ ދަރަންޏެއް އޮތް ނަމަ އެކަމުގެ ތަފްސީލް ހުށަހަޅައިނުވުމުގެ އިތުރުން ކަރެކްޝަނަލް ސާވިސްއިން ފުރިހަމަ ކުރަންޖެހޭ ކުށުގެ ރެކޯޑް ހުށަހަޅާފައިނުވުމުން ކަމަށެވެ.