-
ވ.އަތޮޅު ކުޑަ އަންބަރާ ކައިރީގައި އޮތް "ޔަސާވާ ޕްރިންސަސް" ނަމަކަށް ކިޔާ ސަފާރީއެއްގައި ރޯވި އަލިފާންގަނޑު ނިއްވާލެވުނީ 25 ގަޑިއިރުން ކަމަށް އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހާމަކޮށްފި އެވެ.
އެމްއެންޑީއެފުން މިއަދު ބުނީ މި ހާދިސާގެ ރިޕޯޓް ސިފައިންނަށް ލިބުނީ ބުދަ ދުވަހުގެ ހަވީރު 17:55 ހާއިރު ކަމަށެވެ. އެގޮތުން ފަޔަރ ސްޓޭޝަނުގެ ފަޔަރ ފައިޓަރުން ވަނީ އެރޭ 18:09 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ އެކޯ-9 އަލިފާން ނިއްވާ ލޯންޗުގައި އެ ސަރަހައްދަށް ދިއުމަށްް ދަތުރުފަށާފައި ކަމަށެވެ.
އެމްއެންޑީއެފް ފަޔަރ އެންޑް ރެސްކިޔު ސަރވިސްގެ އެކޯ-9 އެ ސަރަހަށްދަށްގޮސް ކުރި މަސައްކަތުން އަލިފާން އެއްކޮށް ނިއްވާލެވިފައިވާ ކަމަށާއި އަލިފާން އެއްކޮށް ނިއްވާލެވިފައި ވަނީ ރޭ 19:22 ހާއިރު ކަމަށް އެމްއެންޑީއެފުން ވަނީ ހާމަކޮށްފައެވެ.
މި ސަފާރީގައި ދަރުތުކުރި 25 ފަޅުވެރިންނާއި 19 ފަތުރުވެރިން ވަނީ ރައްކާތެރިކަމާއެކު އެހެން ދޯނިތަކަށް ނަގާފައެވެ.
މިހާތަނަށް މި ހާދިސާގައި އެއްވެސް މީހަކަށް އަނިޔާވިކަމުގެ މައުލޫމާތެއް ލިބިފައެއް ނުވާ ކަމަށް އެމްއެންޑީއެފުން ބުނެއެވެ.
.jpg&w=3840&q=75)
.webp&w=3840&q=75)
ފަހުގެ
