ބޮޑު ސަރަހައްދެއް ހުދު ސަމާލުގައި: ކަނޑުތައް ގަދަވާނެ!

މޫސުން ގޯސްވާނެ ކަމަށް ލަފާކޮށް މެދުރާއްޖެތެރެއަށް އުތުރާއި މެދު ރާއްޖެގެތެރެއަށް ހުދު ސަމާލު ނެރެފި އެވެ.

މޫސުމާއި ބެހޭ ގައުމި އިދާރާއިން ހުދު ސަމާލު ނެރެފައިވަނީ ރ އަތޮޅުން ފެށިގެން ތ އަތޮޅާއަށް ހަމައަށް މިއަދުގެ 16:30 އިން ފެށިގެން މިރޭގެ 22:30 ގެ ނިޔަލަށެވެ.

އެގޮތުން ހުދު ސަމާލުގެ މުއްދަތުގައި ގަޑިއަކު 19 މޭލާއި 24 މޭލާއި ދެމެދުގެ ބާރު މިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް މޫސުމާއި ބެހޭ ގައުމީ އިދާރާއިން ލަފާކުރެއެވެ.

ރާއްޖެ ސަރަހައްދަށް މިދިޔަ ހަފްތާއިން ފެށިގެން ވަރަށް ބޮޑަށް މޫސުން ގޯސްވެފައިވާއިރު މިއީ ބޭ އޮފް ބެންގާލްގައި އުފެދުނު ދިތުވާ ތޫފާނާއި ގުޅިގެން ކުރަމުންދާ ވިއްސާރައެއް ކަމަށް މޫސުމާއި ބެހޭ އިދާރާއިން މީގެ ކުރީން ވަނީ ބުނެފައި އެވެ. މޫސުމާއި ބެހޭ އިދާރާއިން މޫސުން އަލިވާނެ ކަމަށް ލަފާކުރަނީ އަންނަ އަންގާރަ ދުވަހަށެވެ.