-
ވިލިމާލެ ޕޮލިސް ސްޓޭޝަނުގެ ބެލުމުގެ ދަށުގައި ހުރި 31 ކާޓަން ސިގްރެޓް ގެއްލިއްޖެ އެވެ.
މިފަދަ އަޑުތަކެއް އެރިތާ ހަފްތާއެއްވާން ގާތްވެފައިވަނިކޮށް ފުލުހުންގެ މީޑިއާ އޮފިޝަލް މިއަދު މީޑީއާތަކާ ހިއްސާކުރި މެސެޖެއްގައި ވިދާޅުވީ ގަވާއިދާ ހިލާފަށް ރާއްޖެއަށް އެތެރެކޮށްފައިވާކަމުގެ ތުހުމަތުގައި ފުލުހުންގެ ބެލުމުގެ ދަށަށް 32 ކާޓަން ސިނގިރޭޓި ގެންގޮސްފައިވާ ކަމަށެވެ އަދި އެ ތަކެއްޗަކީ ބިދޭސީއެއްގެ އަތުން މި އަހަރު މެއި 23 ވަނަ ދުވަހު އަތުލައިގަތް ތަކެތި ކަމަށާއި އެ ސިނގިރެޓްތައް ހުރީ ވިލިމާލޭ ޕޮލިސް ސްޓޝަންގައި ކަމަށެވެ.
ފުލުހުން ބުނީ އޭގެ ތެރެއިން ހަ ކާޓަން މަދުވި މައްސަލައެއް ފެންމަތިވެ އެ މައްސަލަ މިހާރު ތަހުޤީޤު ކުރަމުން އަންނަ ކަމަށެވެ. އަދި އެ ތަކެތި މަދުވިކަން އެނގުނީ، އޮންނަ އުސޫލުގެ ތެރެއިން މިތަކެތި ކަސްޓަމްސްއާ ހަވާލުކުރުމަށް މި މަހުގެ 12 ވަނަ ދުވަހު ބެލުމުން ކަމަށް ފުލުހުން މީޑިއާ އޮފިޝަލް ވިދާޅުވިއެވެ.
އެހެންވެ މި މައްސަލަ ތަހުޤީޤު ކުރަމުން ދަނިކޮށް މީގެ ކުރިން ވެސް މިފަދަ ކަމެއް ހިންގާފައިވާކަން ފާހަގަވެފައިވާ ކަމަށް ފުލުހުން ވިދާޅުވިއެވެ. އެގޮތުން މިދިޔަ އަހަރު ޑިސެމްބަރު މަހު 23 ގައި ދެ ބިދޭސީއެއްގެ އަތުން ފުލުހުންގެ ބެލުމުގެ ދަށަށް ގެންދިޔަ، 25 ކާޓަން ސިނގިރޭޓު ގެއްލިފައިވާ ކަމަށް ވެސް މީޑީއާ އޮފިޝަލް ވިދާޅުވިއެވެ.
އެހެހެންވެ މި ދެ މައްސަލައާ ގުޅިގެން ޖިނާއީ ތަހުގީގެއް ފަށައިމައްސަލަތަކާއި ގުޅޭ އިދާރީ މައްސަލަތައް ފުލުހުންގެ ޕްރޮފެޝަނަލް ސްޓޭންޑާޑް ކޮމާންޑުން ބަލަމުން އަންނަ ކަމަށް މީޑީއާ އޮފިޝަލް ވިދާޅުވިއެވެ.
ފަހުގެ
