މޫސުން ގޯސް: މެދުރާއްޖެތެރެއަށް ރީނދޫ ސަމާލު!

ވައިގަދަވެ ކަނޑުތައް ގަދަވާނެ ކަމަށް ލަފާކޮށް އުތުރާއި މެދުރާއްޖެތެރޭގެ އަތޮޅުތަކަށް ރީނދޫ ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން ރީނދޫ ސަމާލު ނެރެފައިވަނީ ޅ އަތޮޅުން ފެށިގެން މ އަތޮޅާއި ހަމައަށް މިއަދުގެ 21:45 އިން ފެށިގެން 01:45 އާއި ހަމައަށެވެ.

އެގޮތުން ހުދު ސަމާލުގެ މުއްދަތުގައި ގަޑިއަކު 25 މޭލާއި 30 މޭލާއި ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 25 މޭލަށް ވައިގަދަވާނެކަމަށްވަނީ ލަފާކޮށްފައި އެވެ. މީގެ އިތުރުން ކަނޑުތައްވެސް ގަދަވާނެ ކަމަށް ވަނީ ލަފާކޮށްފައި އެވެ.

މޫސުމާއި ބެހޭ ގައުމީ އިދާރާއިން ވަނީ ރާއްޖޭގެ ސަރަހައްދަށް އަދިވެސް ހުޅަނގު މޫސުމުގެ ބާރު ގަދަވެ ވައިބާރުވުމާއިއެކު ކަނޑުތައް ގަދަވެ ވިއްސާރަކުރާނެކަމަށް ލަފާކޮށްފައެވެ. އެގޮތުން އަންނަ ހުކުރު ދުވަހާއި ހަމައަށް ވައިބާރުގެ ވިލާގަނޑުގައި އިތުރަށް ވައިގަދާނެ ކަމަށާއި އާއްމުކޮށްވެސް ކަނޑުތައް ގަދަވެވެފައި ވިލާގަނޑުގައި އިތުރަށް ގަދަވާނެ ކަމަށް ވަނީ ލަފާކޮށްފައި އެވެ.

މީގެ އިތުރުން އެކި ހިސާބުތަކަށް ވިއްސާރަކުރުމާއިއެކު ގުގުރުމާއި ދިޔަވަރު ބޮޑުވާ ގަޑިތަކުގައި އުދައިގެ އަސަރު ކުރާނެ ކަމަށްވެސް ވަނީ ލަފާކޮށްފައި އެވެ.

އެހެންކަމުން ހުރިހާ ފަރާތްތަކުން، ވަކީން ޚާއްސަކޮށް ދަތުރުވެރީން މޫސުމާއިބެހޭ އެންމެ ފަހުގެ މައުލޫމާތު އަދާހަމަކުރުމާއިއެކު މޫސުމަށް ސަމާލުވުމަށް ވަނީ އިލްތިމާސްކޮށްފައި އެވެ.