-
މަސްތުވާތަކެއްޗާއެކު ރ. އިނގުރައިދޫއިން މީހަކު ހައްޔަރުކޮށްފިއެވެ.
މި މަހު 2 ވަނަ ދުވަހު މި އޮޕަރޭޝަން ހިންގާފައިވަނީ ރ. އިނގުރައިދޫ ޕޮލިހާއި ރަސްމާދޫ ޕޮލިސް ގުޅިގެންނެވެ.
މި މައްސަލައާ ގުޅިގެން ހައްޔަރުކޮށްފައިވަނީ ހ. ފެހިއާލާ / މާލެ. ޙުސައިން ޙަބީބު (47އ) އެވެ. މަސްތުވާތަކެތި ގެންގުޅެ ބޭނުންކޮށް އަދި އެ ތަކެތި ވިއްކައި ވިޔަފާރުކުރާކަމުގެ ތުހުމަތުގައި މީނާ ހުއްޓުވައި ބަލައިފާސްކުރިއިރު މަސްތުވާތކެތިކަމަށް ޝައްކުކުރެވޭ އެއްޗެއް ހުރި ދެ ރަބަރު ޕެކެޓު ފެނިފައިވެއެވެ.
މި މައްސަލައާ ގުޅިގެން ޙުސައިން ޙަބީބުގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 30 ދުވަހަށް ބަންދުގައި ބެހެއްޓުމަށް އަމުރުކޮށްފައިވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
ފަހުގެ
