--
ދައުލަތުގެ ބެލުމުގެ ދަށުގައި ތިބި ކުދިން ފޮސްޓަރ ކުރުމުގެ ފުރުސަތުތަކާއި ގުޅޭގޮތުން އާންމުން ހޭލުންތެރިކުރުވާ، ފޮސްޓަރ ކުރާނެ ގޮތުގެ މައުލޫމާތު ފޯރުކޮށްދިނުމަށް ކުރެވޭ މަސައްކަތްތަކުގެ ތެރެއިން ރ. އިނގުރައިދޫގައި މިކަމާ ގުޅޭ މައުލޫމާތު ސެޝަނެއް ކުރިޔަށް ގެންގޮސްފި އެވެ.
ކޮންމެ ކުއްޖަކީ ވެސް އާއިލީ ވެއްޓެއްގެ ހިމާޔަތާއި ރައްކާތެރިކަން ލިބިގެން ބޮޑުވާ ކުއްޖެއްކަން ކަށަވަރުކުރުމަކީ ރައީސުލްޖުމްހޫރިއްޔާ ޑރ މުޙައްމަދު މުއިއްޒުގެ ވަރަށް ބޮޑު ތަޞައްވުރެކެވެ.
މިގޮތުން އިނގުރައިދޫގައި ކުރިޔަށް ގެންދިޔަ ސެޝަންގެ ތެރެއިން ފޮސްޓަރ ކުރަން ބޭނުންވާ ބެލެނިވެރިންގެ ޝަރުތުތަކާއި، ފޮސްޓަރ ކުރަން އަމަލުކުރަން ޖެހޭނެ ގޮތްތަކާއި، އަދި ކުދިން ގެންގުޅުމުގައި އެހީތެރިކަން ފޯރުކޮށްދީ މޮނިޓަރ ކުރެވޭނެ ގޮތްތަކާއި ގުޅޭގޮތުން ވަނީ މައުލޫމާތު ހިއްސާކުރެވިފައެވެ.
ފޮސްޓަރިންގެ އިތުރުން ވެސް ދައުލަތުގެ ތިބޭ ކުދިންނަށް ޢާއިލީ ވެއްޓެއް ހޯދައިދިނުމަށް ކުރެވޭ މަސައްކަތްތަކުގެ ތެރެއިން، ކުދިންގެ ޢާއިލާތަކާއެކު ގާތުން މަސައްކަތްކޮށް، އާއިލާތަކުގެ ޙާލަތު ރަނގަޅުކޮށް، އުފަން އާއިލާތަކަށް ކުދިން ރީ-އިންޓަގްރޭޓް ކުރުމުގެ މަސައްކަތްތަކަކީ ވެސް ވުޒާރާއިން ކުރަމުންދާ މުހިންމު މަސައްކަތެކެވެ.
ފަހުގެ
