ނޭޕާލްގެ ވަޒީރުންނާއި ސަރުކާރުގެ އޮފިޝަލުން ކަތަމަންޑޫއިން ބޭރުވުމަށް އަސްކަރިއްޔާ އެހީތެރިވާން ފަށައިފި
# ނޭޕާލް
މަޝްރަހު ހޫނުވެފައި އޮތް ނޭޕާލްގެ ވަޒީރުންނާއި ސަރުކާރުގް އިސް އޮފިޝަލުންނަށް ހިމާޔާތްދީ އެމީހުން ރައްކާތެރި ސަރަހައްދަކަށް ބަދަލުކުރުމުގެ މަސައްކަތް ނޭޕާލްގެ އަސްކަރިއްޔާއިން ފަށައިފި އެވެ.
މިކަން ނޭޕާލްގެ އަސްކަރިއްޔާގެ އިސްއޮފިޝަލަކު ވަނީ ދަ ކަތުމަންޑޫ ޕޯސްޓަށް ކަށަވަރުކޮށްދީފައި އެވެ.
ކަތަމަންޑޫ ޕޯސްޓުން ރިޕޯޓުކުރާ ގޮތުގައި މުޒާހަރާގެ ބައިވެރިން ވަޒީރުންނާއި އޮފިޝަލުންގެ ގެތަކަށް ގެއްލުންދެމުންދާތީ ނޭޕާލް ސިފައިން މިހާރު އަންނަނީ އެމީހުން ރައްކާތެރި ސަރަހައްދުތަކަށް ބަދަލުކުރުމަށް ހެލިކޮޕްޓަރުތައް ބޭނުންކޮށްގެން އެހީތެރިވަމުންނެވެ. މީގެ އިތުރުން މަޖިލިސް އިމާރާތް ރައްކާތެރި ކުރުމަށް ވެސް ސިފައިން ނެރެފައިވާއިރު މަތީ ފަންތީގެ އޮފިޝަލުންނަށް އަސްކަރީ މަރުކަޒުތަކުގައި އަންނަނީ ސެކިއުރިޓީ ފޯރުކޮށްދެމުންނެވެ.
ނޭޕާލްގެ ސަރުކާރުގެ ކޮރަޕްޝަން އިތުރުވުމާއި އެގައުމުގައި ސޯޝަލް މީޑިއާ ޕްލެޓްފޯމްތައް މަނާކުރުމާއި ގުޅިގެން ގިނަ ޒުވާނުންތަކެއް ނޭޕާލްގެ މަގުތަކަށް ނުކުމެ "ޖެން ޒީ" މުޒާހާރާގެ ނަމުގައި ބޮޑު ހަރަކާތެއް ފެށީ މިދިޔަ އާދިއްތަ ދުވަހު އެވެ. މިމުޒާހަރާ ހޫނުވެ ސަލާމަތީ ބާރުތަކާއި މުޒާހަރާގެ ބައިވެރިންނާއި ދެމެދު ބޮޑެތު ހަމަނުޖެހުންތަކެއް ހިނގައި މިހާތަނަށް 21 މީހަކު ވަނީ މަރުވެފައި އެވެ.
އަދި މުޒާހަރާ ހޫނުވުމާއި ގުޅިގެން ނޭޕާލްގެ ބޮޑުވަޒީރު ބޮޑުވަޒީރު ކޭޕީ ޝަރުމާ އޮލީ ވަނީ މިއަދު މަގާމުން އިސްތިއުފާ ދެއްވާފައި އެވެ.
ގުޅުންހުރި
ނޭޕާލުގެ މަޝްރަޙު އާންމު ހާލަތަށް އަނބުރާ ރުޖޫޢަވަންދެން އެގައުމަށް ދަތުރުނުކުރަން ފޮރިން މިނިސްޓްރީން އިލްތިމާސްކޮށްފި
ނޭޕާލްގެ އެންމެ ބޮޑެތި މީޑިއާތައް ހިންގަމުން އަންނަ އިމާރާތުގައި ރޯކޮށްލައިފި
ނޭޕާލްގެ ވަޒީރުންނާއި ސަރުކާރުގެ އޮފިޝަލުން ކަތަމަންޑޫއިން ބޭރުވުމަށް އަސްކަރިއްޔާ އެހީތެރިވާން ފަށައިފި
ނޭޕާލް ޖެން ޒީ މުޒާހަރާ: މިއަދުގެ މިހާތަނަށް 2 މަރު، ޖުމުލަ އަދަދު 21 އަށް!
ފަހުގެ
