މޫސުން ވަރަށް ގޯސް، އެންމެ އުތުރަށް ރީނދޫ ސަމާލު!

ރާއްޖޭގެ އުތުރަށް މޫސުން ގޯސްވެ ބައެއް ސަރަހައްދުތަކަށް ރީނދޫ ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން ރީނދޫ ސަމާލު ނެރެފައިވަނީ ހއ އަތޮޅުން ފެށިގެން ށ އަތޮޅާއި ހަމައަށް މިރޭގެ 21:00 ގެ ނިޔަލަށެވެ.

ރީނދޫ ސަމާލުގެ މުއްދަތުގައި އެސަރަހައްދަށް ގަޑިއަކު 25 މޭލާއި 30 މޭލާއި ދެމެދުގެ ބާރު މިނުގައި ވައި ޖެހި ކަނޑުތައް ގަދަވާނެ ކަމަށް މޫސުމާއި ބެހޭ އިދާރާއިން ލަފާކުރެއެވެ.

ރީނދޫ ސަމާލު ނެރުމުގެ ކުރިން ހއ އިން ފެށިގެން އދ އަތޮޅާއި ހަމައަށް މިރޭގެ 21:00 ގެ ނިޔަލަށް ހުދު ސަމާލު ވެސް ނެރެފައިވެއެވެ.

މިދިޔަ އަންގާރަ ދުވަހުން ފެށިގެން ރާއްޖޭގެ ބައެއް ސަރަހައްދުތަކަށް މޫސުން ގޯސްވެފައިވާއިރު އިއްޔެ ރާއްޖޭގެ ދެކުނުގެ ސަރަހައްދުތަކަށްވެސް ހުދު ސަމާލު ނެރެފައި ވެއެވެ.