ރާއްޖޭގެ ބޮޑު ސަރަހައްދަކަށް ހުދު ސަމާޅު

މޫސުން ގޯސްވާނެ ކަމަށް ލަފާކޮށް ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން ހުދު ސަމާލު ނެރެފައިވަނީ ހއ އަތޮޅުން ފެށިގެން އދ އަތޮޅާއި ހަމައަށް މިއަދުގެ 15:00 އިން މިރޭގެ 21:00 ގެ ނިޔަލަށެވެ.

މޫސުމާއި ބެހޭ ގައުމީ އިދާރާއިން ބުނީ ހުދު ސަމާލުގެ މުއްދަތުގައި ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ.

މިދިޔަ އަންގާރަ ދުވަހުން ފެށިގެން ރާއްޖޭގެ ބައެއް ސަރަހައްދުތަކަށް މޫސުން ގޯސްވެފައިވާއިރު އިއްޔެ ރާއްޖޭގެ ދެކުނުގެ ސަރަހައްދުތަކަށްވެސް ހުދު ސަމާލު ނެރެފައި ވެއެވެ.