-
4 ރަށެއްގެ ޞިއްޙީމަރުކަޒުގެ އައު ޢިމާރާތުގެ މަސައްކަތް ހަވާލުކުރުމުގެ އެއްބަސްވުމުގައި ސޮއިކޮށްފިއެވެ.
ސަރުކާރުން މިރޭ މަސައްކަތް ހަވާލުކުރީ ވ ފުލިދޫ އާއި ކ ކާށިދޫ އާއި ހުރާގެ އިތުރުން އދ ދިއްދޫގެ ޞިއްޙީމަރުކަޒުގެ އައު ޢިމާރާތުގެ މަސައްކަތެވެ. މި މަސައްކަތް ހަވާލުކޮށްފައިވަނީ އެމްޓީސީސީއާއިއެވެ.
މިނިސްޓްރީގެ ފަރާތުން މިއެއްބަސްވުމުގައި ސޮއިކުރެއްވީ މިނިސްޓަރ އޮފް ސްޓޭޓް ފޯ ހެލްތު އިސްމާޢިލް އަބުދުﷲ އަދި ހަވާލުކުރެއްވި ކުންފުނީގެ ފަރާތުން ސޮއިކުރެއްވީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީގެ ޑެޕިއުޓީ މެނޭޖިންގ ޑިރެކްޓަރ މުހައްމަދު ޖަމްޝީދު އެވެ.
އެއްބަސްވުމުގައި ސޮއިކުރުމަށް ކުރިޔަށް ގެންދިޔަ ރަސްމިއްޔާތުގައި އެ ދާއިރާތަކުގެ މެމްބަރުން ބައިވެރިވެވަޑައިގެންނެވި އެވެ.
360 ދުވަހުގެ ތެރޭގައި ނިންމުމަށް ހަވާލުކުރި ވ ފުލިދޫ ސިއްހި މަރުކަޒު މަޝްރޫއުގެ އަގަކީ 27 މިލިއަން ރުފިޔާއެވެ.
ކާށިދޫ ސިއްހީ މަރުކަޒުގެ މަސައްކަތް އެމްޓީސީސީއާއި ހަވާލުކުޔރީ 240 ދުވަހުގެ ތެރޭގައި ނިންމާގޮތަށް 7.1 މިލިއަން ރުފިޔާއަށެވެ. މި ޕްރޮޖެކްޓްގެ ދަށުން ސްކޯޕް: ވޯޑް، ނާސް ސްޓޭޝަން، ލެބޯޓްރީ، ޕްރޮސީޖަރ ރޫމް، ޕްރައިވެޓް ރޫމް އަދި ގަރާޖުގެ އިތުރުން ގުދަން އިތުރުކުރެވިގެންދާނެއެވެ.
ހުރާގެ މަޝްރޫއު އަކީ 360 ދުވަހުގެ ތެރޭގައި ނިންމުމަށް 27.2 މިލިއަން ރުފިޔާއަށް ހަވާލުކުރި މަޝްރޫއެކެވެ.
270 ދުވަހުގެ ތެރޭގައި ނިންމުމަށް ހަވާލުކުރި ދިއްދޫ ސިއްހި މަރުކަޒުގެ މަޝްރޫގެ އަގަކީ 12 މިލިއަން ރުފިޔާއެވެ. މި ޕްރޮޖެކްޓްގެ ދަށުން ޕަބްލިކް ހެލްތު ޔުނިޓް، މަލްޓިޕާޕޮސް ހޯލް، ވޯޑް، ނާސް ސްޓޭޝަން، ލެބޯޓްރީ، ޕްރޮސީޖަރ ރޫމް، ޕްރައިވެޓް ރޫމް އަދި ގަރާޖުގެ އިތުރުން ގުދަން އިތުރުކުރެވިގެންދާނެއެވެ. އަދި ޕޯޓިކޯ އާއި ވަށާފާރުވެސް ހިމެނެއެވެ.
ފަހުގެ
