-
ހއ. މާރަންދޫ އާއި ބާރަށުގެ ޞިއްޙީމަރުކަޒު ގައި އަލަށް ހަދާ ޢިމާރާތުގެ މަސައްކަތް ހަވާލުކުރުމުގެ އެއްބަސްވުމުގައި ސޮއިކޮށްފިއެވެ.
ސަރުކާރުން މި ދެ ރަށުގެ މަޝްރޫއު ހަވާލުކުރީ ރޯޑް ޑިވެލޮޕްމެންޓު ކޯޕަރޭޝަން، އާރްޑީސީ އާއިއެވެ.
ހެލްތު މިނިސްޓްރީގެ ފަރާތުން މި ދެ މަޝްރޫއުގެ އެއްބަސްވުމުގައި ސޮއިކުރެއްވީ މިނިސްޓަރ އޮފް ސްޓޭޓް ފޯ ހެލްތު އިސްމާޢިލް ޝަރީފް އަދި ހަވާލުކުރެއްވި ކުންފުނީގެ ފަރާތުން ސޮއިކުރެއްވީ ރޯޑު ޑެވެލޮޕްމަންޓް ކޯޕަރޭޝަންގެ މެނޭޖިންގ ޑިރެކްޓަރ، އިބްރާހިމް ނަޒީމެވެ.
365 ދުވަހުގެ ތެރޭގައި ނިންމުމަށް ހަވާލުކުރި މާރަންދޫ ސިއްހީ މަރުކަޒުގެ މަސައްކަތުގެ އަގަކީ 11.5 މިލިއަން ރުފިޔާއެވެ. މިޕްރޮޖެޓްގެ ދަށުން ވޯޑް، ނާސް ސްޓޭޝަން، ލެބޯޓްރީ، ޕްރޮސީޖަރ ރޫމް، ޕްރައިވެޓް ރޫމް އަދި ގަރާޖުގެ އިތުރުން ގުދަން އިތުރުކުރެވިގެންދާނެއެވެ.
ބާރަށުގެ މަޝްރޫއުވެސް ސަރުކާރުން އާރްޑީސީއާއި ހަވާލުކުރީ 365 ދުވަހުގެ ތެރޭގައި ނިންމުމަށް 11.5 މިލިއަން ރުފިޔާއަށެވެ. މިޕްރޮޖެޓްގެ ދަށުން ވޯޑް، ނާސް ސްޓޭޝަން، ލެބޯޓްރީ، ޕްރޮސީޖަރ ރޫމް، ޕްރައިވެޓް ރޫމް އަދި ގަރާޖުގެ އިތުރުން ގުދަން އިތުރުކުރެވިގެންދާނެއެވެ.
ފަހުގެ
