އެކުއާކަލްޗަރގެ ބޭނުމަށް ފަޅު ރަށްތައް ކުއްޔަށް ދޫކުރުމަށް ހުޅުވާލައިފި

އެކުއަކަލްޗަރ ހަރަކާތްތައް ތަރައްޤީކޮށް، ހިންގައި އަދި ބެލެހެއްޓުމަށްޓަކައި މީހުން ނޫޅޭ ފަޅު ރަށްތަކާއި އެ ރަށްތަކުގެ ފަޅާއި ފަރުތައް ކުއްޔަށް ދިނުމަށް ބީލަމެއް ހުޅުވާލައިފިއެވެ.

މިގޮތަށް ދޫކުރާ ރަށްތައް ފުރަތަމަ ކުއްޔަށް ދޫކުރެވޭނީ 21 (އެކާވީސް) އަހަރުގެ މުއްދަތަކަށެވެ. އަދި ދިވެހިރާއްޖޭގެ ޤާނޫނުތަކުގައި ކަނޑައަޅާފައިވާ ޝަރުތުތަކާ އެއްގޮތްވާ ގޮތުގެ މަތިން، މި މުއްދަތު އިތުރުކުރުމުގެ ފުރުޞަތު އޮތް ނަމަވެސް މުޅި ޖުމްލަ 50 އަހަރަށްވުރެ އެ މުއްދަތު އިތުރެއް ނުކުރެވޭނެއެވެ.

ބިޑް ހުށަހަޅާ ފަރާތްތަކުން ބިޑް ހުށަހަޅާ ރަށްތައް ނުވަތަ އެކަހެރި ފަޅުތައް އަމިއްލައަށް ބަލާ ދިރާސާކުރަންޖެހޭނެ އެވެ.އަދި ބިޑް ހުށަހަޅާ ފަރާތުން މިފަދަ ދިރާސާއެއް ކުރަން ބޭނުންވާނަމަ، މިނިސްޓްރީން ދޫކުރާ ޒިޔާރަތްކުރުމުގެ ހުއްދައެއް ހޯދަންވާނެއެވެ. ރަށް ނުވަތަ ފަޅުގެ ދިރާސާ ނުކުރި ނަމަވެސް ބިޑް ބާތިލެއް ނުވާނެއެވެ.

ބިޑް ހުށަހެޅުމަށް ޝައުގުވެރިވާ ފަރާތްތަކުން ނޮވެމްބަރު 6 ވަނަ ދުވަހުގެ މެންދުރުފަހު 13:00 ގެ ކުރިން ބިޑް ހުށަހެޅުމުގެ ފުރުސަތު މިހާރު ވަނީ ހުޅުވާލާފައެވެ.