logoEN
Sto top
ދުނިޔޭގެ ތަރިކައިގެ ލިސްޓުގައި ހިރިގަލުގެ މިސްކިތްތައް ހިމެނުމަށްޓަކައި ނޮމިނޭޝަން ޑޮޒިއަރ ފުރިހަމަކުރުމުގެ މަސައްކަތް ފަށައިފި

ދުނިޔޭގެ ތަރިކައިގެ ލިސްޓުގައި ހިރިގަލުގެ މިސްކިތްތައް ހިމެނުމަށްޓަކައި ނޮމިނޭޝަން ޑޮޒިއަރ ފުރިހަމަކުރުމުގެ މަސައްކަތް ފަށައިފި

އަހުމަދު ޝުރާއު

logo

8/13/2025, 4:43:07 PM

# ދިވެހި ބަހާއި ސަޤާފަތާއި ތަރިކައާއި ބެހޭ ވުޒާރާ

-

ދިވެހިބަހާއި ސަގާފަތާއި ތަރިކައާ ބެހޭ ވުޒާރާގެ، ސަގާފީ ތަރިކަ ރައްކާތެރިކުރާ ޤައުމީ މަރުކަޒާއި ދެކުނު އޭޝިއާގައި ހުންނަ ޔުނެސްކޯރގެ ރީޖަނަލް އޮފީސް، "ޔުނެސްކޯ ނިއުދިއްލީ" އާ ގުޅިގެން ދުނިޔޭގެ ތަރިކައިގެ ލިސްޓުގައި ދިވެހިރާއްޖޭގެ ހިރިގަލުގެ މިސްކިތްތައް ހިމެނުމަށްޓަކައި ތައްޔާރުކުރާ ނޮމިނޭޝަން ޑޮޒިއަރ ފުރިހަމަ ކުރުމަށް ކުރިއަށް ގެންދާ ދެ ދުވަހުގެ މަސައްކަތު ބައްދަލުވުމެއް ފަށައިފި އެވެ.

Wamco

މިބައްދަލުވުން ކުރިޔަށްދާނީ މިމަހުގެ 13 ން 14 އަށް ވުޒާރާގެ އިސްވަރު އޮފީހުގައެވެ.

މި މަސައްކަތު ބައްދަލުވުމުގައި ޔުނެސްކޯ އޮފީހުގެ އިސް ބޭފުޅުންނާއި، ކަމާގުޅޭ ބޭރުގެ މާހިރުންގެ އިތުރުން ލިސްޓުކުރެވިފައިވާ މިސްކިތްތައް ބަލައްޓަވަމުން ގެންދަވާ ކައުންސިލްތަކާއި ގުޅުންހުރި އެހެނިހެން އިދާރާތަކުން ބައިވެރިވެވަޑައިގަންނަވައެވެ.

ދެދުވަހުގެ މުއްދަތަށް ކުރިއަށްގެންދެވޭ މިމަސައްކަތު ބައްދަލުވުންފެށުމުގެ ގޮތުން ސްޓޭޓް މިނިސްޓަރ ޝަހުރުރުއްޛިޔާދު އަދި ޔުނެސްކޯ ރީޖަނަލް އޮފީހުގެ ޑިރެކްޓަރ އަދި ރެޕްރެޒެންޓޭޓިވް ޓިމް ކަރޓިސް ވާހަކަފުޅު ދައްކަވާފައިވެއެވެ.

މި މަސައްކަތު ބައްދަލުވުމުގައި ނޮމިނޭޝަން ޑޮޒިއަރ އާ ގުޅިގެން ނިންމަންޖެހޭ ނިންމުންތަކެއް ނިންމާނެއެވެ. ތަރިކައާއި ބެހޭ ވުޒާރާއިން ބުނީ އެވުޒާރާގެ އަމާޒަކީ 2026 ފެބުރުވަރީގައި ހުށަހެޅޭ މިންވަރަށް ޑޮޒިއަރގެ މަސައްކަތްތައް ނިންމުން ކަމަށެވެ.

ޔުނެސްކޯގައި ދަފުތަރު ކުރެވިފައިވާ ދުނިޔޭގެ ތަރިކައިގެ ވަގުތީ ލިސްޓުގައި ރައްޖޭގެ ހިރިގަލު، 6 މިސްކިތެއް ވަނީ ހިމެނިފައެވެ. އެ މިސްކިތްތަކަކީ މާލޭ ހުކުރުމިސްކިތް، މާލޭ ޢީދު މިސްކިތް، ހއ.އިހަވަންދޫ އާސާރީ މިސްކިތް، ރ.މީދޫ ބައު މިސްކިތް، ލ.އިސްދޫ އަސަރީ މިސްކިތް އަދި އދ.ފެންފުށީ ހުކުރު މިސްކިތެވެ.

E living
ކޮމެންޓް
E living
ފަހުގެ
HDC