--
11 ރަށެއްގެ މަގުތައް ޒަމާނީ ފެންވަރަށް ތަރައްޤީ ކުރުމަށް ރޯޑް ޑިވެލޮޕްމެންޓު ކޯޕަރޭޝަން، އާރްޑީސީއާ ހަވާލުކޮށްފި އެވެ.
މި ކަމަށް ބޭއްވުނު ރަސްމިއްޔާތުގައި މި މަޝްރޫއުތަކުގެ އެއްބަސްވުމުގައި އިމާރާތްކުރުމާއި، ގެދޮރުވެރިކަމާއި ބިނާރާ ބެހޭ ވުޒާރާގެ ފަރާތުން ސޮއި ކުރެއްވީ މިނިސްޓަރ އޮފް ސްޓޭޓް އަލްފާޟިލް ޙަސަން ރަޝީދުއެވެ. އަދި، ރޯޑް ޑިވެލޮޕްމަންޓް ކޯޕަރޭޝަން ލިމިޓެޑްގެ ފަރާތުން ސޮއި ކުރެއްވީ މެނޭޖިންގ ޑިރެކްޓަރ އަލްފާޟިލް އިބްރާހީމް ނަޡީމް އެވެ.
ސަރުކާރުން މިއަދު ހަވާލުކުރީ ހއ ތުރާކުނާއި ހދ ނޮޅިވަރަންފަރު، ހދ ފިނޭ، ށ މާރޮށި، ނ މާފަރު، ބ ތުޅާދޫ ، ބ ކުޑަރިކިލު ، މ މުލި ، ތ ގުރައިދޫ، ތ ހިރިލަންދޫ އާއި ތ ކިނބިދޫގެ މައި މަގުތައް ޒަމާނީ ފެންވަރަށް ތާރު އަޅައިގެން ތަރައްޤީކުރުމަށެވެ.
އިތުރު ތަފްސީލް:
- ޑިޒައިން އެންޑް ބިލްޑް އޮފް ތ.ގުރައިދޫ މޭޖަރ ރޯޑްސް: 74,476,484.16 ރުފިޔާއަށް
- ޑިޒައިން އެންޑް ބިލްޑް އޮފް ތ.ކިނބިދޫ މޭޖަރ ރޯޑްސް: 79,594,101.36 ރުފިޔާއަށް
- ޑިޒައިން އެންޑް ބިލްޑް އޮފް މުލި މޭޖަރ ރޯޑްސް: 85,029,368.76 ރުފިޔާއަށް
- ޑިޒައިން އެންޑް ބިލްޑް އޮފް ހއ. ތުރާކުނު މޭޖަރ ރޯޑްސް: 65,547,695.88 ރުފިޔާއަށް
- ޑިޒައިން އެންޑް ބިލްޑް އޮފް ހދ. ނޮޅިވަރަންފަރު މޭޖަރ ރޯޑްސް: 101,210,710.68 ރުފިޔާއަށް
- ޑިޒައިން އެންޑް ބިލްޑް އޮފް ތ. ހިރިލަންދޫ މޭޖަރ ރޯޑްސް: 70,506,326.88 ރުފިޔާއަށް
- ޑިޒައިން އެންޑް ބިލްޑް އޮފް ބ. ތުޅާދޫ މޭޖަރ ރޯޑްސް: 70,981,327.08 ރުފިޔާއަށް
- ޑިޒައިން އެންޑް ބިލްޑް އޮފް ށ. މަރޮށި މޭޖަރ ރޯޑްސް: 60,295,350.24 ރުފިޔާއަށް
- ޑިޒައިން އެންޑް ބިލްޑް އޮފް ހދ. ފިނޭ މޭޖަރ ރޯޑްސް: 65,576,137.68 ރުފިޔާއަށް
- ޑިޒައިން އެންޑް ބިލްޑް އޮފް ނ. މާފަރު މޭޖަރ ރޯޑްސް: 116,011,768.32 ރުފިޔާއަށް
- ޑިޒައިން އެންޑް ބިލްޑް އޮފް ބ. ކުޑައިކިލު މޭޖަރ ރޯޑްސް: 53,537,331.24 ރުފިޔާއަށް
މި 11 ރަށުގެ މަޝްރޫއުވެސް އާރްޑީސީއާއި ހަވާލުކުރީ މަސައްކަތް ފަށާތާ 730 ދުވަހުގެ ތެރޭގައި ނިންމާ ގޮތަށެވެ.
މިހާރުވެސް އާރްޑީސީން ދަނީ ރާއްޖޭގެ އެކި ކަންކޮޅުތަކުގައި މަގު ހެދުމުގެ މަޝްރޫއުތައް ކުރިޔަށް ގެންދަމުންނެވެ. އެގޮތުން ވެރިކަން ބަދަލުވި އިރު ހުއްޓިފައި ހުރި ގިނަ މަޝްރޫއުތަކެއްވެސް މިހާރު އަލުން ފަށަައި މަސައްކަތް ނިމުމާއި ދަނީ ގާތްވަމުންނެވެ.
ފަހުގެ
