logoEN
Sto top
ގެއްލިގެން ހޯދަމުންދާ ޔާމީން މިމަހުގެ 13 ވަނަ ދުވަހުގެ ފަތިހު ބްރިޖުމަތިން މޫދަށް ފުންމާލާ މަންޒަރު ސީސީޓީވީ ފުޓޭޖުން ފެނިފައިވޭ - ފުލުހުން

ގެއްލިގެން ހޯދަމުންދާ ޔާމީން މިމަހުގެ 13 ވަނަ ދުވަހުގެ ފަތިހު ބްރިޖުމަތިން މޫދަށް ފުންމާލާ މަންޒަރު ސީސީޓީވީ ފުޓޭޖުން ފެނިފައިވޭ - ފުލުހުން

އަހުމަދު ޝުރާއު

logo

7/22/2025, 1:12:18 PM

# ދިވެހި ފުލުހުންގެ ޙިދުމަތް

މާލެއިން ގެއްލިގެން ހޯދަމުންދާ ގ. ގާރނެޓް ހަސަން ޔާމީން ބްރިޖުމަތިން މޫދަށް ފުންމާލިކަން ސީސީޓީވީ ފުޓޭޖުން ފެނިފައިވާކަން ފުލުހުން ހާމަކޮށްފި އެވެ.

Wamco

ފުލުހުން ދާދި ދެންމެ އަކު ނެރުނު ނޫސް ބަޔާނެއްގައި ބުނީ އުމުރުން 30 އަހަރުގެ 2025 ޖުލައި 11 ވަނަ ދުވަހުގެ 21:25 އެހައިކަންހާއިރު މާލޭގައި އޭނާ ދިރިއުޅޭ ގެއިން ނުކުމެގެން ދިޔަފަހުން، އާއިލާއަށް ހަބަރެއްނުވެ ގެއްލިފައިވާ ކަމަށް ރިޕޯޓުކުރުމާ ގުޅިގެން އޭނާ ހޯދުމުގެ މަސައްކަތް ފުލުހުން ދަނީ ކުރަމުން ކަމަށާއި މި މައްސަލަ ފުލުހުންނަށް ރިޕޯޓުކޮށްފައިވަނީ 2025 ޖުލައި 14 ވަނަ ދުވަހު ޙަސަން ޔާމީންގެ އާއިލާގެ ފަރާތުން ކަމަށެވެ.

މިގޮތުން ޙަސަން ޔާމީން ހޯދުމަށް، ތަހުގީގުގެ ތެރެއިން ގިނަ އަދަދެއްގެ ސީސީޓީވީ ފުޓޭޖް ދިރާސާކުރެވިފައިވާކަން ހާމަކޮށް ފުލުހުން ބުނީ 2025 ޖުލައި 13 ވަނަ ދުވަހުގެ ފަތިހު 03:24 އެހައިކަންހާއިރު ޙަސަން ޔާމީން ސިނަމާލެ ބްރިޖުން މޫދަށް ފުންމާލާ މަންޒަރު ސީސީޓީވީ ފުޓޭޖުން ފެނިފައިވާ ކަމަށެވެ.

އަދި މި މައުލޫމާތު އާއިލާއާ ހިއްސާކޮށް، އާއިލާއާ ވަރަށް ގާތުން ތަހުގީގު ޓީމުން ގެންދަނީ މަސައްކަތް ކުރަމުންކަންވެސް ފުލުހުންވަނީ ހާމަކޮށްފައި އެވެ.

ފުލުހުން އިތުރަށް ބުނީ މި މައްސަލައިގެ ތަހުގީގަށް ލިބުނު މި މައުލުމާތާ ގުޅިގެން މެރިން ޕޮލިހާއި މޯލްޑިވްސް ނޭޝަނަލް ޑިފެންސް ފޯސްގެ ކޯސްޓްގާޑު ގުޅިގެން ޙަސަން ޔާމީން ހޯދުމުގެ މަސައްކަތް ކުރަމުންދާ ކަމަށެވެ.

އަދި މި މައްސަލައާ ގުޅޭގޮތުން ސައްހަކަން ކަށަވަރު ނުކުރެވޭ މައުލޫމާތު ފެތުރުމުން އެއްކިބާވުމަށް މީޑިއާ އަދި އާންމުންގެ ކިބައިން ފުލުހުންގެ ބަޔާނުގައި ވަނީ އެދިފައި އެވެ.

އަދި ޙަސަން ޔާމީންގެ އާއިލާއަށް އިހުތިރާމްކުރުމުގެ ގޮތުން ނާއި ތަހުގީގުގެ ނަޒާހާތްތެރިކަން ހިފެހެއްޓުމުގެ ގޮތުން ހަމައެކަނި ދިވެހި ފުލުހުންގެ ޚިދުމަތުން ރަސްމީކޮށް ފޯރުކޮށްދެވޭ މައުލޫމާތުގެ މައްޗަށް ބަރޯސާވުމަށް ވަނީ އިލްތިމާސްކޮށްފައެވެ.

E living
ކޮމެންޓް
E living
ފަހުގެ
HDC