.jpg&w=3840&q=75)
--
މިރޭ މާލޭގައި ހިނގި ނުރައްކާތެރި އެކްސިޑެންޓުގައި ނިޔާވީ ޒުވާނާއަކި މަޝްހޫރު ދެ ލަވަކިޔުންތެރިން ކަމަށްވާ މުހައްމަދު އަބްދުލްޣަނީ ( ތޭރަވާ) އާއި މަރިޔަމް އަޝްފާ ގެ ހަމައެކަނި ދަރިފުޅުކަން ކަށަވަރުވެއްޖެ އެވެ.
މިރޭ މާލޭގައި ހިނގި ނުރައްކާތެރި އެކްސިޑެންޓަކީ މާފަންނު ބަސް ޓާމިނަލް ކައިރިން ބާރު ސްޕީޑެއްގައި ދުއްވާފައި ދިޔަ ސައިކަލެއް ކަފިހި ހުރަހުން މަގު ހުރަސް ކުރި މީހެއްގެ ގައިގައި ޖެހި އަދި އެތަނުން ދަތުރުކުރި ޕިކަޕެއްގައި ޖެހި ހިނގި އެކްސިޑެންޓެކެވެ. މި އެކްސިޑެންޓުގައި 3 މީހަކަށް އަނިޔާވެގެން ހޮސްޕިޓަލަށް ގެންދިޔައިރު އެތަނުން 17 އަހަރުގެ ޒުވާނަކު ވަނީ ނިޔާވެފައި އެވެ.
މައުލޫމާތު ލިބިފައިވާގޮތުގައި މިރޭގެ އެކްސިޑެންޓުގައި ނިޔާވި 17 އަހަރުގެ ކުއްޖާއަކީ މަޝްހޫރު ދެ ލަވަކިޔުންތެރިން ކަމަށްވާ މުހައްމަދު އަބްދުލްޣަނީ ( ތޭރަވާ) އާއި މަރިޔަމް އަޝްފާގެ ދަރިފުޅު ޔޫސުފް އަލްސަން މުހައްމަދު އެވެ.
މައުލޫމާތު ލިބިފައިވާ ގޮތުގައި އަލްސަންއަށް 17 އަހަރު ފުރުނީ މިދިޔަ މޭމަހުގެ ތެރޭގައި އެވެ.
ފުލުހުން މިރޭ ބުނީ އެކްސިޑެންޓުގައި ނިޔާވި 17 އަހަރުގެ ކުއްޖާއާއި އަނިޔާވެގެން ފަރުވާ ދެމުންދާ 16 އަހަރުގެ ފިރިހެން ކުއްޖާއަކީ ސައިކަލުގައި ތިބި ދެކުދީން ކަމަށެވެ. އަދި މި އެކްސިޑުންގައި 40 އަހަރުގެ ދިވެހި ފިރިހެނަކަށްވެސް އަނިޔާވުމާއި ގުޅިގެން ދަނީ ފަރުވާ ދެމުންނެވެ.
ފަރުވާދެމުންދާ ދެ މީހުންގެ ހާލުވެސް ސީރިއަސް ކަމަށް ފުލުހުން ވަނީ ބުނެފައި އެވެ.
ގުޅުންހުރި
މިރޭގެ އެކްސިޑެންޓުގައި ނިޔާވީ ތޭރަވާއާއި އަަޝްފާގެ 17 އަހަރުގެ ދަރިފުޅު!
ބާރު ސްޕީޑުގައި ދުއްވާފައި ދިޔަ ސައިކަލެއް، ތުއްތު ކުއްޖެއް ގައިގައި ޖެހި އެކްސިޑެންޓް ވެއްޖެ
ބްރިޖް އެއާޕޯޓް ލައިޓް ކައިރީގައި އެކްސިޑެންޓެއް ހިނގައި އެކަކަށް އަނިޔާވެއްޖެ
ހުޅުމާލޭގައި ނުރައްކާތެެރި އެކްސިޑެންޓެއް ހިނގައިފި
ފަހުގެ
