--
ވެމްކޯ އިން މިދިޔަ އަހަރު ފެށި "ހޮބާ" ހިދުމަތާއި މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަނުން ގުޅިއްޖެ އެވެ.
ހޮބާ ހިދުމަތް ހޯދުމާއި ބެހޭ އެއްބަސްވުމެއްގައި އެމްއެމްޕީއާރްސީއިން މިއަދު ވަނީ ވެމްކޯއާއި އެކު ޙާއްސަ އެއްބަސްވުމެއްގައި ސޮއިކޮށްފައި އެވެ.
މިގޮތުން މި އެއްބަސްވުމުގައި ވެމްކޯގެ ފަރާތުން ސޮއިކުރެއްވީ ވެމްކޯގެ މެނޭޖިންގ ޑިރެކްޓަރު މުޖުތަބާ ޖަލީލް އެވެ. އަދި އެމްއެމްޕީއާރްސީގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރު އިބްރާހިމް ޝިއުރީ އެވެ.
ވެމްކޯއިން ބުނީ މި އެއްބަސްބުމުގެ ދަށުން އެމްއެމްޕީއާރްސީގެ އޮފީސްތައް ފޮޅައި ސާފުކުރުމުގެ ޚިދުމަތް މިހާރުން ފެށިގެން ފޯރުކޮށްދޭނީ އެކުންފުނީން ކަމަށެވެ.
ހޮބާ ހިދުމަތަކީ ވެމްކޯއިން ދެމުންދާ ހިދުމަތްތައް ފުޅާކުރުމަށްޓަކައި ސަރުކާރުގެ އޮފީސްތަކާއި އަމިއްލަ ވިޔަފާރިތަކަށްވެސް ޚާއްސަކޮށްގެން އެކުންފުނިތަކުގެ އޮފީސްތަކާއި އިމާރާތްތައް ފޮޅާ ސާފުކުރުމަށްޓަކައި ފެށި ހިދުމަތެކެވެ. ހޮބާގެ ނަމުގައި ވެމްކޯއިން ހިދުމަތްދޭން ފެށީ މިދިޔަ އަހަރުގެ ތެރޭގައި އެވެ. އެގޮތުން މި ހިދުމަތް މިހާރުވެސް ވެމްކޯއިން ދަނީ 20 ވަރަކަށް ކުންފުންޏާއި މުވައްސަސާއަށް ފޯރުކޮށްދެމުންނެވެ.
ގުޅުންހުރި
މާދަމާ މާލޭގެ ގޭބިސީތަކުގެ ކުނި ވެމްކޯއިން ނަގާނީ މެންދުރު ދޭކުން އިރުއޮއްސި ހަޔަކާއި ހަމައަށް!
އައު ޓާމިނަލް ހުޅުވުމުގެ ފަހުގެ ތައްޔާރީތަކުގައި ވެމްކޯ މުވައްޒަފުންވެސް އެހީތެރިވަނީ!
އައްޑޫގައި ހަދާފައިވާ ނުރައްކާތެރި ކުނި މެނޭޖްކުރުމުގެ މަރުކަޒު ވެމްކޯއާ ހަވާލުކުރަން އެއްބަސްވުމެއްގައި ސޮއިކޮށްފި
5 މިލިއަން ގަސް އިންދުމުގެ މަޝްރޫއު: ވެމްކޯއިން ކުޅުދުއްފުށީގައި ގަސް އިންދުމުގެ ހަރަކާތެއް ކުރިޔަށް ގެންގޮސްފި
ފަހުގެ
