logoEN
Sto top
ކައުންސިލް އިންތިޚާބު އަންނަ އަހަރުގެ އޭޕްރީލް މަހު!

ކައުންސިލް އިންތިޚާބު އަންނަ އަހަރުގެ އޭޕްރީލް މަހު!

އަހުމަދު ޝުރާއު

logo

5/24/2025, 8:08:42 AM

# ލޯކަލް ކައުންސިލް އިންތިޚާބު 2026

--

އަންނަ އަހަރުގެ އޭޕްރީލް މަހު ލޯކަލް ކައުންސިލް އިންތިޚާބު ބާއްވަން ތައްޔާރީތައް ފަށާފައިވާކަމަށް އިލެކްޝަންސް ކޮމިޝަންގެ ރައީސް މުޙައްމަދު ޒާހިދު ވިދާޅުވެއްޖެއެވެ.

Wamco

އީސީގެ ރައީސް ޒާހިދު ދައުލަތުގެ މީޑިއާއަށް ދެއްވި އިންޓަވިއުއެއްގައި ވިދާޅުވީ ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިޚާބަކީ ރާއްޖޭގައި އެންމެ ގިނަ އަދަދަކަށް ކެންޑިޑޭޓުން ކުރިމަތިލާ އިންތިޚާބަށްވާތީ އެ އިންތިޚާބަށް ވަރަށް ބޮޑު އިސްކަމެއް ދީގެން މިހާރު މަސައްކަތްތައް ފަށާފައިވާ ކަމަށާއި އެގޮތުން، ޤާނޫނާއި ގަވާއިދުތަކުގެ ތެރެއިން އިންތިޚާބީ ދާއިރާތަކަށް ކެންޑިޑޭޓުން ކަނޑައެޅުމަށް ބޭނުންވާ މައުލޫމާތު ހޯދުމުގެ މަސައްކަތްތައް މިހާރު ކުރައްވަމުންދާ ކަމަށެވެ.

މިގޮތުން ޤާނޫނާއި ގަވާއިދުތަކަށް ގެންނަންޖެހޭ އިސްލާހުތައް ގެނައުމުގެ މަސައްކަތްތައްވެސް ކުރައްވަމުން އަންނަ ކަން ޒާހިދު ފާހަގަކުރެއްވި އެވެ. ޒާހިދު އިތުރަށް ވިދާޅުވީ ލޯކަލް ކައުންސިލް އިންތިޚާބަށް ތައްޔާރުވާއިރު މައިގަނޑުގޮތެއްގައި ހުރި އެންމެ ބޮޑު ގޮންޖެހުމަކީ ޖާގައިގެ ދަތިކަން ކަމަށާއި މިގޮތުން އިންތިޚާބާބެހޭ މަރުކަޒުގެ ގޮތުގައި އިމާރާތެއް ހޯދުމުގައި ދަތިތަކެއް ހުރިކަމަށެވެ.

މީގެ ކުރީން އީސީން އިންތިހާބުތަކުގައި ބޭނުންކުރަމުން އައީ ދަރުބާރުގެއާއި ބާ ޖަމާލުއްދީން ހުރި އިމާރާތެވެ. ނަމަވެސް ދަރުބާރުގޭގައި ސަރުކާރުގެ ބައެއް ވުޒާރާއިން މިހާރު ހިންގަމުންދާއިރު ބާ ޖަމާލުއްދީން ހުރި ބިން މިހާރު ދަނީ ތަރައްޤީކުރަމުންނެވެ. މިއާއިއެކު އިންތިހާބީ މަސައްކަތްތަކަށް ޖާގައިގެ ގޮތުން ރަނގަޅު އަދި ހަރަދު ކުޑަ ގޮތެއް ހޯދަން މަސައްކަތްކުރަމުންދާއިރު އިތުރު ހަރަދުތައްވެސް ކުޑަކުރުމަށް މަސައްކަތް ކުރަމުންދާކަމަށް ޒާހިދު ވިދާޅުވިއެވެ. މިގޮތުން އިންތިޚާބުގައި ވޯޓުލުމާއި ގުނުން ފިޔަވައި އެހެން ހުރިހާ ކަމެއް ޑިޖިޓަލްކޮށް، ރައްޔިތުންނަށް ލުއިފަސޭހަގޮތްތައް ހޯދުމުގެ މަސައްކަތްތާއި އެކު ހަރަދުތައްވެސް ކުޑަކުރެވިގެންދާނެ ކަމަށް ޒާހިދު ވިދާޅުވިއެވެ.

ޒާހިދު ވިދާޅުވީ އިންތިހާބު ބާއްވާނީ އަންނަ އަހަރުގެ އޭޕްރިލް މަހުގެ ތެރޭގައި ކަމަށާއި އިންތިހާބަށް ވާން ޖެހޭ ތައްޔާރީތައް މިހާރު ފެށިފައިވާ ކަމަށެވެ.

E living
ކޮމެންޓް
E living
ފަހުގެ
HDC