މަސްޖިދުއްނަބަވީގެ އިމާމު ޑރ. ޞަލާޙުލް ބުދައިރު، ދިވެހިރާއްޖޭގެ އިސްލާމީ ޔުނިވާސިޓީއަށް ޒިޔާރަތް ކުރައްވައިފި

މަސްޖިދުއްނަބަވީގެ އިމާމު ފަޟީލަތުއްޝައިޚް ޑރ. ޞަލާޙުލް ބުދައިރު، ދިވެހިރާއްޖޭގެ އިސްލާމީ ޔުނިވާސިޓީއަށް ޒިޔާރަތް ކުރައްވައިފިއެވެ.

މިއަދު ހަވީރު ކުރެއްވި އެ ޒިޔާރަތުގައި ޑރ. ޞަލާޙުލް ބުދައިރު ވަނީ އެ ޔުނިވާސިޓީގެ ދަރިވަރުންނާއި މުވައްޒަފުންނާއި މުޚާޠަބު ކުރައްވާ ވާހަކަފުޅު ދައްކަވާފައެވެ. މި ބައްދަލުކުރެއްވުމުގައި އިސްލާމީ ޔުނިވާސިޓީގެ އިސްވެރިންވެސް ވަނީ ބައިވެރިވެލައްވާފައެވެ.

މީގެ އިތުރުން މި ޒިޔާރަތުގައި އިސްލާމީކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވަނީ ބައިވެރިވެލައްވާފައެވެ.

ފަޟީލަތުއްޝައިޚް ޑރ. ޞަލާޙުލް ބުދައިރު، ރާއްޖެއަށް ކުރައްވަމުން ގެންދަވާ ދަތުރުފުޅުގައި މިއަދު ވަނީ އިމާމުންނާއި ޚަޠީބުންނާއި ބައްދަލު ކުރައްވާފައެވެ. މީގެ އިތުރުން ކީރިތި ޤުރުއާން ހިތުދަސްކުރުމުގެ ޕްރޮގުރާމުގެ ބައިވެރިންނާއި، ދީނީ ޢިލްމުވެރިންނާއިވެސް މިރޭ ބައްދަލު ކުރައްވާފައިވެއެވެ.