
މަޖީދީމަގުގެ ދެފަޅީގައިވާ ކާނުތައް އެއްކޮށް ސާފުކޮށް ނިންމާލައިފި
# ސިޓީތަކާއި އިދާރީ ދާއިރާތައް ހިންގުމާއި އާއްމު މަސައްކަތްތަކާއި ބެހޭ ވުޒާރާ--
ވާރޭ ވެހިއްޖެ ނަމަ މާލޭގައި، ފެންބޮޑުވާ މައްސަލަ ޙައްލުކުރުމަށް މާލޭގެ މަގުތަކުގެ ކާނުތައް ސާފުކުރުމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއިން ފެށި މަސައްކަތުގެ ތެރެއިން މަޖީދީމަގުގެ ކާނުތައް ސާފުކޮށް ނިންމާލައިފި އެވެ.

އެވުޒާރާއިން މިއަދު އެކްސްގައި ކުރި ޕޯސްތެއްގައި ބުނީ މާލޭގެ ކާނުތައް ސާފުކުރުމަށް އެވުޒާރާއިން ކުރަމުންދާ މަސައްކަތުން، މަޖީދީމަގުގެ ދެފަޅީގައިވާ ކާނުތައް އެއްކޮށް ސާފުކޮށް ނިންމާލާފައިވާ ކަމަށެވެ. އަދި ވަޒީރު އާދަމް ޝަރީފް ވަނީ އެވުޒާރާއިން ކުރިޔަށް ގެންދާ މިފަދަ މަސައްކަތްތަކުގައި ހަރަކާތްތެރިވަމުންދާ ވުޒާރާގެ މުވައްޒަފުންނަށް ޝުކުރު އަދާކުރައްޥާފައި އެވެ.
މިއީ މާލޭގެ ހުރިހައި މަގެއްގެ ކާނުތައް ސާފުކުރުމަށް މއެވުޒާރާއިން ހިންގާ ވަރަށް މުހިންމު ޙަރަކާތެކެވެ. އެގޮތުން ވާރޭވެހޭ ކޮންމެ ފަހަރަކު މާލޭގެ މަގުތަކުގައި ފެންބޮޑުވެ އާންމު ރައްޔިތުންނަށް އެ ކަމުގެ އުނދަގޫ ޖެހޭއިރު ސިފައިންނާއި، ފުލުހުން އަދި މި ވުޒާރާއިން ނުކުމެ މާލޭގެ މަގުތަކުން ފެން ހިންދުމުގެ މަސައްކަތް ދޭތެރެދޭތެރެއިން ކުރަންޖެހެއެވެ
މިދިޔަ މަހުގެ 8 ވަނަ ދުވަހު އެ ވުޒާރާއިން ފެށި މި ޙަރަކާތަކީ، ވާރޭވެހުމުގެ ސަބަބުން މާލޭ ރައްޔިތުންނަށް ދިމާވާ އުނދަގޫތައް މިހާރަށް ވުރެ ބޮޑަށް ކުޑަކޮށްދެއްވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ އިރުޝާދާއި ލަފާފުޅުގެ މަތިން މި ވުޒާރާއިން ކުރިއަށް ގެންދާ ޙަރަކާތެކެވެ.
ގުޅުންހުރި

މަޖީދީމަގުގެ ދެފަޅީގައިވާ ކާނުތައް އެއްކޮށް ސާފުކޮށް ނިންމާލައިފި

ޢީދު އަލިން ރާއްޖޭގެ 64 ރަށް ދިއްލާލައިފި

6 އަތޮޅެއްގެ އައު ކައުންސިލް އިދާރާތަކުގެ މަސައްކަތްކޮށްދޭނެ ފަރާތެއް ހޯދުމަށް ކައުންސިލްތަކަށް ވާނީ ދެންނެވިފައި!
