
--
ހޮޅުދޫ ބޯޓުގައި ރޯވެ އަނދަމުންދާ ކަމަށް ސިފައިން ހާމަކޮށްފި އެވެ.

ސިފައިން ބުނީ "ހޮޅުދޫ ބޯޓް" ނަމަކަށް ކިޔާ މުދާ އުފުލާ ބޯޓެއްގައި އަލިފާން ރޯވެގެން، އެމްއެންޑީއެފް ސެންޓްރަލް އޭރިއާ ކޮމާންޑް، ކައްދޫ ފަޔަރ ސްޓޭޝަނުގެ ފަޔަރފައިޓަރުން ދަނީ ހަރަކާތްތެރިވަމުން ކަމަށެވެ.
މައުލޫމާތު ލިބޭ ގޮތުގައި މި ބޯޓުގައި ރޯވީ ތ. ކަނޑޫދޫން ފުރައިގެން މާލެއަށް ދަތުރު ކުރަމުންދަނިކޮށެވެ. އަދި ބޯޓުގައި ރޯވީ ތ. ކަނޑޫދޫން މުދާ ބަރުކޮށްގެން، މާލެއަށް ދިއުމަށް ދަތުރު ފެށިތާ ކުޑައިރުކޮޅެއްގެ ތެރޭގައި ކަމަށްވެސް މައުލޫމާތު ލިބެއެވެ.
ސިފައިން ހާމަކުރި ވީޑީއޯއިން ފެންނަ ގޮތުގައި ބޯޓުގައި ވަރަށް ބޮޑަށް ވަނީ އަލިފާން ރޯވެފައި އެވެ.
މައުލޫމާތު އެނގޭ ބައެއް ފަރާތްތަކުން ގާފު ނޫހަށް މައުލޫމާތު ދެމުން ބުނީ މި ބޯޓަކީ މީގެ ކުރިން ނ އަތޮޅުގައި ދުއްވި ބޯޓެއް ކަމަށެވެ. ނަމަވެސް މިހާރު މި ބޯޓު ދުއްވަމުންދަނީ ދެކުނުގެ ބައެއް އަތޮޅުތަކުގައި ކަމަށެވެ.
އިތުރު ތަފްސީލް އަންނަނީ ..