logoEN
Sto top
ރ. އަތޮޅުގެ ސްކޫލްތަކުގެ ޕްރިންސިޕަލުންނާއެކު ފުލުހުން މަޝްވަރާކޮށްފި

ރ. އަތޮޅުގެ ސްކޫލްތަކުގެ ޕްރިންސިޕަލުންނާއެކު ފުލުހުން މަޝްވަރާކޮށްފި

އަހުމަދު ޝުރާއު

logo

3/29/2025, 10:16:03 AM

# ދިވެހި ފުލުހުންގެ ޙިދުމަތް

--

ރ. އަތޮޅު ޕޮލިހުން އިސްނަގައިގެން ހިންގާ ޕްރޮގްރާމްތަކުގެ ތެރެއިން، ރ. އަތޮޅަކީ ކުށްމަދު އަމާން ވެއްޓަކަށް ހެދުމަށްޓަކައި ރ. އަތޮޅުގެ ސްކޫލްތަކުގެ ޕްރިންސިޕަލުންނާއި ޕޮލިސް ސްޓޭޝަންތަކުގެ އިންޗާޖުންނާއެކު މަޝްވަރާ ބައްދަލުވުމެއް ބާއްވައިފިއެވެ.

Wamco

ފުލުހުން ބުނީ މި ބައްދަލުވުން ބޭއްވިފައިވަނީ 2025 މާރިޗު 27 ވަނަ ދުވަހު ރ. މީދޫ ރިސޯޓުގައި ކަމަށާއި މި ބައްދަލުވުމުގައި ސްކޫލް ކުދިންގެ ފަރާތުން ދިމާވާ އެކިއެކި މައްސަލަތަކުގައި ފުލުހުންގެ ސްޓޭޝަންތަކާ ގުޅިގެން މަސައްކަތް ކުރާނެ ގޮތްތަކާ ބެހޭ ގޮތުން މަޝްވަރާކުރެވުނު ކަމަށެވެ.

ކޮންމެ އަހަރަކުވެސް ބާއްވަމުން އަންނަ މި މަޝްވަރާ ބައްދަލުވުމުގައި، މި ފެށޭ ދިރާސީ އަހަރުގައި ސްކޫލްތަކުން ހިންގާ ހަރަކާތްތަކުގައި ފުލުހުންގެ ފަރާތުން ބޭނުންވާނެ އެހީތެރިކަމާ މެދުވެސް ވަނީ މަޝްވަރާ ކުރެވިފައެވެ. މީގެ އިތުރުން، ސްކޫލް ކުދިންގެ މައްސަލަތަކުގައި، ގުޅިގެން މަސައްކަތް ކުރުމުގައި ހުރި ގޮންޖެހުންތަކާ ބެހޭ ގޮތުންވެސް ވަނީ މަޝްވަރާކުރެވިފައެވެ.

މި ބައްދަލުވުމުގައި ރ. އަތޮޅުގެ ސްކޫލްތަކުގެ ޕްރިންސިޕަލުންނާއި ރ. އަތޮޅު ޕޮލިސް ސްޓޭޝަންތަކުގެ އިންޗާޖުން ވަނީ ބައިވެރިވެފައެވެ.

މިފަދަ ބައްދަލުވުންތަކަކީ އަތޮޅުގެ ސްކޫލްތަކާއި ފުލުހުންނާ ދެމެދު އޮންނަ ގުޅުން ބަދަހިކޮށް، ކުށްކުރުން މަދުކުރުމަށް މުހިންމު ދައުރެއް އަދާކުރާ ބައްދަލުވުންތަކެއް ކަމަށް ފުލުހުން ބުނެއެވެ.

Maldivian
ކޮމެންޓް
Maldivian
ފަހުގެ
STELCO Inside