ބީއެމްއެލް އިސްލާމިކްގެ އީދު ސައި މިއަދު 9 ރަށެއްގައި ކުރިޔަށްދިޔަ!

ބީއެމްއެލް އިސްލާމިކް އިން ފިޠުރު ޢީދު ފާހަގަކުރުމަށާއި މުޖުތަމަޢުގެ ގުޅުން ބަދަހިކުރުމަށް 9 ރަށެއްގައި ޢީދު ސައި ބާއްވައިފިއެވެ.

ބީއެމްއެލުން ބުނީ ރަށު ކައުންސިލްތަކާއި ޖަމިއްޔާތަކާ ގުޅިގެން މިއަހަރުގެ ޢީދު ސައި ބާއްވާފައިވަނީ މ. މުލި، ގއ. ގެމަނަފުށި، ހއ. ދިއްދޫ، އދ މަހިބަދޫ، ލ. ފޮނަދޫ، ވ. ކެޔޮދޫ، ހުޅުމީދޫ، ނ. ފޮއްދޫ އަދި ދ. ބަނޑިދޫގައި ކަމަށެވެ.

އެގޮތުން މި އަހަރު ޢީދު ސައި ބާއްވާފައި ވަނީ ބީއެމްއެލް އިސްލާމިކްގެ ޚިދުމަތަށް 10 އަހަރު ފުރޭ މުނާސަބަތާ ގުޅިގެން ހިންގާ ހަރަކާތްތަކުގެ ތެރެއިންނެވެ.

ބީއެމްއެލް އިން މިދިޔަ އަހަރުވެސް 6 ރަށެއްގައި ޢީދު ސައި ބާއްވާފައިވެއެވެ.